Accessibility links

سه‌رۆکی ئه‌نجومه‌نی کاتی لیبیا باس له‌ ئاینده‌ی وڵاته‌که‌ی له‌ پاش قه‌زافی ده‌کات

  • VOA News

سه‌رۆکی ئه‌نجومه‌نی کاتی لیبیا باس له‌ ئاینده‌ی وڵاته‌که‌ی له‌ پاش قه‌زافی ده‌کات

سه‌رۆکی ئه‌نجومه‌نی کاتی لیبیا پـێرۆزبایی له‌و سه‌رهه‌ڵـداوانه‌ کرد که‌ پـێشـڕه‌ویـیان به‌ره‌و ته‌رابلوسی پایته‌خت کرد‌ و گوتی " ئێسـتا ئێمه‌ له‌ دوایـین قۆناغی وه‌ده‌رنانی موعه‌ممه‌ر قه‌زافیداین."

ڕۆژی دووشه‌ممه‌ له‌ به‌نغازی موسته‌فا عه‌بدولجه‌لیل هه‌روه‌ها داوایکرد سه‌روماڵی خه‌ڵـکی بپارێزن و داواشی له‌ خه‌ڵـکی کرد دان به‌ خۆیاندا بگرن و خۆیان له‌ کاری نایاسایی بـه‌ دور بگرن.

گوتیشی له‌ لیبیا پاش قه‌زافی وڵاتی یاسا داده‌مه‌زرێت و دادگایی ئه‌و که‌سـانه‌ ده‌کرێت که‌ بوونه‌ مایه‌ی ئه‌و زیانانه‌ی له‌ ده‌می ده‌سه‌ڵاتی قه‌زافیدا له‌ وڵاته‌که‌دا که‌وتووه‌ته‌وه‌.

موسته‌فا عه‌بدولجه‌لیل گوتیشی لیبیا پاش قه‌زافی له‌سه‌ر بنه‌مای ئازادی و دادپه‌روه‌ری و یه‌کسـانی و شه‌فافیه‌ت ده‌بێت له‌ چوارچێوه‌ی ئیسلامێـکی میانڕه‌ودا که‌ تیایدا هه‌موو هاوڵاتیان یه‌کسان ده‌بن و مافی ئه‌وه‌یان ده‌بێت به‌ سه‌ربه‌رزی بژین.

موسته‌فا عه‌بدولجه‌لیل سوپاسی کۆمه‌ڵی نێونه‌ته‌وه‌یی کرد بۆ پـشـتیوانیکردنی له‌ گه‌لی لیبیا له‌ ده‌می قه‌یرانه‌که‌یدا.

XS
SM
MD
LG