Accessibility links

هێزه‌کانی لایه‌نگری قه‌زافی هه‌وڵی گرتنه‌وه‌ی ناوچه‌کانی ژێر کۆنتڕۆڵی سه‌رهه‌ڵداوه‌کان ده‌ده‌ن

  • VOA News

سه‌رهه‌ڵـداوانی لیبی به‌ چه‌کی قورسه‌وه‌ له‌ نزیک شـارۆچکه‌ی ڕه‌ئس لانوف خۆیان دامه‌زراندووه، شه‌ممه‌ 5 ی سێی 2011‌

سه‌رهه‌ڵـداوانی لیبی به‌ چه‌کی قورسه‌وه‌ له‌ نزیک شـارۆچکه‌ی ڕه‌ئس لانوف خۆیان دامه‌زراندووه، شه‌ممه‌ 5 ی سێی 2011‌

هه‌واڵی ئه‌وه‌ ڕاده‌گه‌یه‌نرێت هێزه‌کانی میلـلی دژ به‌ سه‌رۆکی لیبی له‌ دوو شـارۆچکه‌ شـکستیان به‌ هێرشی سه‌ربازانی لیبی هێناوه‌ و پاشه‌کشه‌یان پـێـکردوون.

له‌ هه‌رێمی خۆرئاوای لیبی هێزه‌کانی لایه‌نگری قه‌زافی له‌ شـارۆچکه‌ی زاویه‌ کشاونه‌ته‌وه‌. ئه‌م شـارۆچکه‌یه‌ 50 کیلۆمه‌تر له‌ ته‌رابلوسی پایته‌خته‌وه‌ دوره‌، ئه‌مه‌ش دوای شه‌ڕ و پـێـکدادان له‌ دژی نه‌یارانی سه‌رۆکی وڵات.

ئه‌وه‌ی شـایانی باسه‌ چه‌کدارانی میلـلی دژ به‌ موعه‌مه‌ر قه‌زافی توانیان به‌سه‌ر هێزه‌کانی لایه‌نگری قه‌زافیدا زاڵ بـبن، ئه‌مه‌ش وێڕای به‌کارهێنانی چڕ و پـڕی تانک و هه‌روه‌ها تۆپـخانه‌ له‌ لایه‌ن دۆست و لایه‌نگرانی سه‌رۆکی لیبیـیه‌وه‌.

هه‌روه‌ها ده‌گوترێت هێزه‌کانی دژ به‌ قه‌زافی ئه‌وه‌ی له‌ جه‌ماوه‌ری ناڕه‌زا پـێـکدێن کۆنتڕۆڵی به‌نده‌ری نه‌وتی ڕه‌ئس لانوفیان کردووه‌، ئه‌مه‌ش دوای شه‌ڕ و پـێـکدادانی دوێنێـیان له‌ دژی لایه‌نگرانی سه‌رۆکی لیبی، به‌ڵام ئاماری کوژراوان و بریندارانی شه‌ڕه‌که‌ی دوێنێ ده‌سـتبه‌جێ له‌به‌ر ده‌سـتدا نیـیه‌.

XS
SM
MD
LG