Accessibility links

حکومه‌تی لیبیا هێرشی ئاسـمانی نوێ ده‌کاته‌ سه‌ر سه‌رهه‌ڵداوانی وڵاته‌که‌ی

  • VOA News

سه‌رهه‌ڵداوێـکی لیبی له‌ پـشت چه‌کێـکی دژه‌ فڕۆکه‌ وه‌سـتاوه‌ له‌ ده‌می نوێژی جومعه‌ له‌ شـاری بنغازی، هه‌ینی 4 ی سێی 2011

سه‌رهه‌ڵداوێـکی لیبی له‌ پـشت چه‌کێـکی دژه‌ فڕۆکه‌ وه‌سـتاوه‌ له‌ ده‌می نوێژی جومعه‌ له‌ شـاری بنغازی، هه‌ینی 4 ی سێی 2011

هێزه‌کانی ئاسـمانی لیبی ئه‌مڕۆ هه‌ینی که‌وا بۆ سێهه‌مین ڕۆژه‌ هێرشی ئاسـمانی کردۆته‌ سه‌ر بنکه‌یه‌کی له‌شـکری له‌ نزیک شـارۆچکه‌ی ئه‌جدابیا ئه‌وه‌ی له‌ لایه‌ن خۆپـیشـانده‌رانه‌وه‌ کۆنتڕۆڵ کراوه‌.

هێزی میلـلی لیبی ئه‌وه‌ی بنکه‌ له‌شـکریـیه‌که‌یان به‌ ده‌سته‌وه‌، ده‌ڵێن هێرشه‌ ئاسـمانیـیه‌که‌ی ئه‌مڕۆی سه‌ر بنکه‌که‌یان هیچ زیانی لێـنه‌که‌وتۆته‌وه‌. هه‌روه‌ها پـێشـبینی ده‌کرێت ئه‌مڕۆ دوای نوێژی جومعه‌ له‌ ته‌رابلوسی پایته‌خت خۆپـیشـاندانی دژ به‌ حکومه‌ت سـازبکرێت، ئه‌مه‌ش وه‌ک هه‌وڵی به‌رده‌وامی ناڕازیانی لیبی بۆ ناچارکردنی موعه‌مه‌ر قه‌زافی هه‌تا واز له‌ ده‌سه‌ڵات بهێنێت.

ئه‌وه‌ی شـایانی باسه‌ هاوڵاتیانی دانیشـتوی ته‌رابلوس پایته‌خت ده‌ڵێن به‌رده‌وام چاودێری ده‌کرێن و هه‌روه‌ها له‌ لایه‌ن میلیشـیا چه‌کداره‌کانه‌وه‌ ده‌پـشـکنرێن و ئه‌وانه‌ی به‌شـداریان له‌ خۆپـیشـاندا کردووه‌ بێ سه‌روشوێن ده‌کرێن.

ڕۆژی پـێـنجشه‌ممه‌ فڕۆکه‌ جه‌نگیـیه‌کانی لیبیا هێرشی ئاسـمانیان کرده‌ سه‌ر شـاری بریقه‌ که‌ شـارێـکی نه‌وتی سه‌ره‌کیـیه‌. گه‌واهیده‌ران گوتیان له‌ هێرشه‌ ئاسـمانیـیه‌که‌دا فڕۆکه‌خانه‌ی شـاره‌که‌ کرایه‌ ئامانج ئه‌وه‌ی له‌ نزیک پاڵاوگه‌یه‌کی سه‌ره‌کی نه‌وته‌وه‌یه‌.

XS
SM
MD
LG