Accessibility links

دادپـرسی نێونه‌ته‌وه‌یی دیه‌وێت لیبیا قه‌زافی ده‌سـتگیربکات

  • VOA News

دادپـرسی نێونه‌ته‌وه‌یی دیه‌وێت لیبیا قه‌زافی ده‌سـتگیربکات

دادپـرسی نێونه‌ته‌وه‌یی دیه‌وێت لیبیا قه‌زافی ده‌سـتگیربکات

دادپرسی باڵای داگای تاوانی نێونه‌ته‌وه‌یی ئه‌مڕۆ سێشه‌ممه‌ داوای له‌ یارده‌ده‌ران ڕێبه‌ری لیبیا موعه‌ممه‌ر قه‌زافی کرد که‌ ده‌ستگیری بکه‌ن و بیده‌ن به‌ ده‌ست دادگای جیهانییه‌وه‌ بۆ دادگایی کردن.

ئه‌م لێدوانه‌ی (لویس مۆرینۆ ئۆکامپۆ) پاش بڕیاره‌که‌ی ڕۆژی دووشه‌ممه‌ی ئه‌و دادگایه‌ هات بۆ ده‌ستگیرکردنی موعه‌ممه‌ر قه‌زافی و دوو سه‌رکرده‌ی له‌شکری به‌ تا‌وانی شه‌ڕی که‌ په‌یوه‌ندی به‌ سه‌رکوتکردنه‌کانی سه‌رهه‌ڵدانی ئۆپۆزسیۆنه‌وه‌ هه‌یه‌.

مۆرینۆ ئۆکامپۆ گوتوشیه‌تی هێزه‌کانی ناتۆ که‌ به‌ هێرشه‌ ئاسمانییه‌کان پشتیوانی له‌ سه‌رهه‌ڵداوه‌کان ده‌که‌ن، له‌ چوارچێوه‌یه‌کی یاساییدا بۆیان نییه‌ قه‌زافی ده‌ستگیر بکه‌ن.

لیبیا له‌ دره‌نگانێکی ڕۆژی دووشه‌ممه‌دا ئه‌و هۆشدارییه‌ی ڕه‌تکرده‌وه.

وه‌زیری داد محه‌مه‌د ئه‌لقه‌مودی گوتی لیبیا شه‌رعییه‌ت نادات به‌و دادگایه‌.

دادگای تاوانی نێونه‌ته‌وه‌یی سه‌رله‌به‌یانی ڕۆژی دووشه‌ممه‌ ئه‌و هۆشدارییه‌ی دژ به‌ موعه‌ممه‌ر قه‌زافی، سه‌یف ئه‌لئیسلامی کوڕی له‌گه‌ڵ سه‌رۆکی موخابه‌راتی لیبیا عه‌بدوڵڵا ئه‌لسنوسی ده‌رکرد.

هه‌ر دوێنێ دووشه‌ممه‌ له‌ واشنتن وته‌بێژی کۆشکی سپی جه‌ی کارنی گوتی ئه‌و هۆشدارییه‌ی دادگا ئاماژه‌یه‌کی دیکه‌یه‌ به‌وه‌ی‌ موعه‌مه‌ر قه‌زافی شه‌رعییه‌تی خۆی له‌ده‌ست داوه‌. گوتیشی ده‌بێت ڕێبه‌ری لیبیا به‌رپرسیار بکرێت به‌رامبه‌ر تاوانه‌کان.

به‌ڕیتانیا، فه‌ڕه‌نسا و ئیتاڵیاش پێشوازییان له‌ هۆشدارییه‌که‌ کرد.

XS
SM
MD
LG