Accessibility links

ئاهه‌نگ و خۆپـیشـاندان له‌ شـاری سلێمانی سـازده‌کرێن

  • Latif Nerweyi

ئاهه‌نگ و خۆپـیشـاندان له‌ شـاری سلێمانی سـازده‌کرێن

ئاهه‌نگ و خۆپـیشـاندان له‌ شـاری سلێمانی سـازده‌کرێن

ئه‌مڕۆ دووشه‌ممه‌ به‌ بۆنه‌ی تێپه‌ڕبوونی 20 سـاڵ به‌سه‌ر ڕاپه‌ڕین و ڕزگارکردنی شـاری سلێمانی، مه‌راسیمێـکی جه‌ماوه‌ری به‌رفراوان له‌وێ و له‌ لای مه‌ڵبه‌ندی ڕێـکخستنی سلێمانی یه‌کێتی نیشـتیمانی کوردسـتان سـازکرا.

له‌ مه‌راسیمه‌که‌دا که‌ به‌ڕێز تاڵه‌بانی سـکرتێری گشـتی یه‌کێتی نیشـتیمانی کوردسـتان ئاماده‌ی بووبوو، به‌ڕێز تاڵه‌بانی وتارێـکی پـێشـکه‌شکرد و تیایدا تیشکی خسته‌ سه‌ر ڕه‌وشی ئێسـتای کوردسـتان و دڵگرانی خۆی پـیشـاندا به‌رامبه‌ر به‌و ڕووداوانه‌ی له‌م دوایـیانه‌دا له‌ شـاری سلێمانی که‌وتنه‌وه‌ و گوتی هه‌موو ئه‌وانه‌ی کوژران چ ئاسایش یان پـۆلیس یان هاوڵاتی شه‌هیدی ئێمه‌ن، وه‌ داوایکرد ئارامی بـپارێزرێت و چیدی خوێن ڕشتن له‌ شـاره‌که‌دا ڕوو نه‌داته‌وه‌.

هه‌روه‌ها داوای له‌ حکومه‌تی هه‌رێمی کوردسـتان کرد 17 خاڵه‌که‌ی په‌رله‌مانی کوردسـتان جێبه‌جێ بکات و هه‌روه‌ها داخوازیـیه‌کانی هاوڵاتیانیش جێبه‌جێ بکات. داواشی له‌ پارتی و یه‌کێتی کرد دیسـان داخوازی هاوڵاتیان جێبه‌جێ بکه‌ن.

تاڵه‌بانی گوتیشی بوونی ئۆپـۆزسیۆن شتێـکی ته‌ندروسـتیـیه‌ و پـشـتیوانی لێـکرد و هه‌روه‌ها گوتی خۆپـیشـاندان شـتێـکی ئاسایی‌یه‌ و هه‌موو هاوڵاتیـیه‌ک یان که‌سێـک ده‌توانێت داوای مافی خۆی بکات به‌ شێوه‌یه‌کی هێمنانه‌ و ئاشـتیـخوازانه‌.

هه‌روه‌ها سه‌باره‌ت به‌ شـاری که‌رکوکیش گوته‌یه‌کی پـێشـکه‌شکرد و هیوای خواست که‌رکوک ڕه‌وشێـکی ئارام به‌خۆیه‌وه‌ بـبینێت و که‌رکوکی به‌ قودسی کوردسـتان ناوبرد و جه‌ختی کرده‌وه‌ سه‌ر ته‌بایی و پـێـکه‌وه‌ ژیانی پـێـکهاته‌ ڕه‌سه‌نه‌کانی که‌رکوک به‌ تایبه‌تی کورد و تورکمان.

له‌ لایه‌کی دیکه‌وه‌ هه‌ر ئه‌مڕۆ له‌ لای به‌ر ده‌رکی سه‌را له‌ شوێنی خۆپـیشـانده‌ران ژماره‌یه‌کی زۆری هاوڵاتیان گردبووبوونه‌وه‌ و تیایدا سووربوونی خۆیان نیشـاندا له‌سه‌ر داواکاریـیه‌کانیان و هه‌روه‌ها به‌ شێوه‌یه‌کی به‌رفراوان دروشـمه‌کانیان به‌رزکردبووه‌وه‌.

له‌ لایه‌کی دیکه‌وه‌ و هه‌ر ده‌رباره‌ی ڕه‌وشی سلێمانی شه‌وی ڕابردوو به‌ڕێز نه‌وشیروان مسته‌فا سه‌رۆکی بزوتنه‌وه‌ی گۆڕان له‌ دیدارێـکی ته‌له‌فیزیۆنیدا ده‌رگای دیالۆگی کرده‌وه‌ و له‌ هه‌مان کاتیشـدا سووربوونی خۆی نیشـان دا سه‌باره‌ت به‌ جێبه‌جێـکردنی 7 خاڵی داخوازیـیه‌کانی بزوتنه‌وه‌ی گۆڕان که‌ پـێشـتر له‌ به‌یانـنامه‌یه‌کدا ڕاگه‌یاندراوه‌.

جێی ئاماژه‌ پـێـکردنه‌ به‌ڕێز بارزانی سه‌رۆکی هه‌رێمی کوردسـتان و به‌ڕێز دکتۆر به‌رهه‌م ئه‌حمه‌د سـاڵح سه‌رۆکی حکومه‌تی هه‌رێم پـشتیوانی خۆیان بۆ هه‌ڵبژاردنی پـێش وه‌خت نیشــانداوه‌، وه‌لێ بزوتنه‌وه‌ی گۆڕان ده‌ڵێت هه‌ڵبژاردنی پـێش وه‌خت به‌بێ هه‌ڵوشـاندنی حکومه‌ت هیچ مانایه‌کی نیـیه‌.

بابه‌تی په‌یوه‌ندیدار

XS
SM
MD
LG