Accessibility links

ئاگر به‌ردراوه‌ته‌ باڵه‌خانه‌کانی حکومه‌ت له‌ لیبیا

  • VOA News

ژماره‌یه‌ک خۆپـیشـانده‌ری لیبی له‌ شـاری بنغازی داوای ڕووخاندنی ڕژێمی موعه‌مه‌ر قه‌زافی ده‌که‌ن

ژماره‌یه‌ک خۆپـیشـانده‌ری لیبی له‌ شـاری بنغازی داوای ڕووخاندنی ڕژێمی موعه‌مه‌ر قه‌زافی ده‌که‌ن

گه‌واه ده‌ران له‌ شاری ته‌رابولسی پایته‌ختی لیبیاوه‌ ده‌ڵێن ئاگر به‌ردراوه‌ته‌ باڵه‌خانه‌کانی حکومه‌ت، هاوکاتی ئه‌وه‌ی چالاکوانانی ئۆپزسیۆن به‌گژ هێزه‌ ئاسایشیه‌کاندا و لایه‌نگرانی حکومه‌تدا ده‌چنه‌وه‌ ، وه‌ک به‌رزبوونه‌وه‌یه‌کی به‌رچاوی ئه‌و سه‌رهه‌ڵدانه‌ی دژی موعه‌مه‌ر ئه‌لقه‌زافی سه‌رۆکی لیبیا ده‌ستی پێکردووه‌.

گه‌واهده‌ران ده‌شلێن پۆلیسی لیبیا گازی فرمێسک ڕژێنیان به‌کار هێناوه‌ بۆ بڵاوه‌پێکردنی خۆپیشانده‌ران.

ڕۆژی یه‌کشه‌مه‌ ، سه‌یف ولئیسلام ، کوڕی قه‌زافی له‌ ته‌له‌فزیۆنی وڵاته‌که‌یه‌وه‌ ڕایگه‌یاند که‌ باوکی به‌ پشتیوانی له‌شکر له‌ ده‌سه‌ڵاتدا ده‌مێنێته‌وه‌ و به‌رامبه‌ر ئه‌م مه‌ترسیدارترین یاخیبوونه‌ که‌ ڕووبه‌ڕوی ده‌سه‌ڵاتی باوکی ده‌بێته‌وه‌ له‌وه‌تای ساڵی 1969 ه‌وه‌ که‌ به‌ کوده‌تایه‌ک ده‌سه‌ڵتی گرته‌ ده‌ست.

سه‌یف ولئیسلام قه‌زافی له‌و ووتاره‌ ته‌له‌فزیۆنیه‌یدا گوتویه‌تی حکومه‌ت تا دوا پیاو و تا دوا ژن و تا دوا گولله‌ش شه‌ڕی خۆی ده‌کات بۆ مانه‌وه‌ له‌ ده‌سه‌ڵاتدا.

سه‌یف ولئیسلام، ئاگاهی دا به‌ خه‌ڵکی لیبیا تا سه‌رهه‌ڵدانه‌که‌یان ڕابگرن ، یان ئه‌وه‌تا لیبیا ده‌که‌وێته‌ شه‌ڕی ناوخۆوه‌ و وه‌ک ده‌ڵێت له‌ شه‌ڕێکی ئاوهادا ڕووباری خوێن ده‌ڕژێت و ده‌سه‌ڵاتی کۆڵۆنیاڵی ده‌گه‌ڕێته‌وه‌ بۆ لیبیا ، وه‌ جه‌ختیشی ده‌کرده‌وه‌ له‌وه‌ی لیبیا ، میسر و تونس نییه‌ که‌ له‌م چه‌ند هه‌فته‌یه‌ی ڕابردوودا سه‌رۆکاکانی ئه‌و دوو وڵاته‌ له‌کار لادران.

هاوکات وه‌زیری ده‌ره‌وه‌ی ئیسپانیا ده‌ڵێت یه‌کێتی ئه‌وروپا له‌ ڕێکخستنی کاروباره‌کاندایه‌ بۆ شیانی کشانه‌وه‌ی وڵاتیانی خۆی له‌ لیبیادا ، هاوکاتی ئه‌وه‌ی سه‌رهه‌ڵدانه‌ خوێناویه‌که‌ی لیبیا په‌ره‌ی سه‌ندوه‌ و شاری ته‌رابولسی پایته‌ختیشی گرتۆته‌وه‌.

له‌ لێدوانێکی ئه‌مڕۆ دووشه‌ممه‌یدا له‌ برۆکسل ، ترینیداد خیمێنیز گوتویه‌تی حکومه‌ته‌کانی یه‌کێتی ئه‌وروپا نیگه‌رانیه‌کی زۆریان هه‌یه‌ به‌رامبه‌ر ڕه‌وشی لیبیا و ده‌ست کراوه‌ به‌ ووتوێژکردن له‌سه‌ر چۆنیه‌تی هاوکاریکردن له‌ هێنانه‌ ده‌ره‌وه‌ی وڵاتیانی یه‌کێتی ئه‌وروپا و به‌تایبه‌تیش له‌ شاری به‌نگازی که‌ زۆربه‌ی توندوتیژیه‌کانی تیا ڕوودا.

بابه‌تی په‌یوه‌ندیدار

XS
SM
MD
LG