Accessibility links

کوردپور: به‌داخه‌وه‌ تۆزێک دره‌نگ بووه‌ بۆ په‌یامه‌که‌ی سه‌رۆک ئۆباما

  • Motabar Shirwani

سه‌رۆکی وڵاته‌ یه‌کگرتووه‌کانی ئه‌مه‌ریکا باراک ئۆباما له‌وه‌تای ده‌سه‌ڵاتی گرتووه‌ته‌ ده‌ست هه‌موو سـاڵێـک په‌یامی پـێرۆزبایی به‌ بۆنه‌ی جه‌ژنی نه‌ورۆزه‌وه‌ ده‌نێرێت بۆ ئه‌و خه‌ڵـکانه‌ی به‌و بۆنه‌یه‌وه‌ ئاهه‌نگ ده‌گێڕن.

به‌ڵام به‌ تایبه‌تی هه‌موو سـاڵێـک له‌و بۆنه‌یه‌دا په‌یامێـکیشی بۆ ئێرانیـیه‌کان پـێـیه.

سه‌رۆک ئۆباما له‌ په‌یامه‌که‌یدا وێڕای پـیرۆزبایی له‌ گه‌لی ئێران گوتیشی هیچ هۆیه‌ک نیـیه‌ وه‌ها بکات ئێران و ئه‌مه‌ریکا له‌گه‌ڵ یه‌ک ناکۆک بن.

سه‌رۆک هه‌روه‌ها باسی کرد که‌ گه‌لی ئێران له‌ ئازادیـیه‌ بنچینه‌یـیه‌کان بێ‌به‌شن.

سه‌رۆک گوتی به‌و حاڵه‌ش گه‌لی ئێران له‌ ده‌ست وێڕاگه‌یشتن به‌ ئازادی بنچینه‌یی و وه‌رگرتنی ئه‌و زانیاریـیانه‌ی ده‌یانه‌وێت بێ به‌شن، له‌ بری حکومه‌تی ئێران بۆ ڕاگرتنی به‌رنامه‌ی ته‌له‌فیزیۆن و ڕادیۆیی شه‌پـۆله‌کانی سه‌ته‌لایتی به‌ربه‌ندکردووه‌.

سه‌رۆک گوتی پـێم‌خۆشه‌ گه‌لی ئێران بزانێت ئه‌مه‌ریکا هه‌وڵ بۆ گفتوگۆ ده‌دات هه‌تا گوێی له‌ ڕاوبۆچوونه‌کانی ئێوه‌ بێت و ئامانجه‌کانی ئێوه‌ بزانێت.

هه‌ر له‌به‌ر ئه‌وه‌شه‌ گوتی ئێمه‌ ماڵپه‌ڕێـکمان کردووه‌ته‌وه‌ وه‌ک باڵیۆزخانه‌ی ئه‌مه‌ریکا هه‌تا خۆتان بتوانن بـبینن ئه‌مه‌ریکا چی ده‌ڵێت و چی ده‌کات. سه‌رۆک له‌ به‌شێـکی دیکه‌ی وتاره‌که‌یدا به‌ بۆنه‌ی نه‌ورۆز ڕووی له‌ گه‌لی ئێران کرد و گوتی ئه‌گه‌ر حکومه‌تی ئێران ڕێـگایه‌کی به‌رپـرسیارانه‌ بگرێته‌به‌ر، ئه‌وا جارێـکی دیکه‌ کۆمه‌ڵه‌ی وڵاتان پـێشـوازی لێـده‌کات و گه‌لی ئێرانیش ده‌رفه‌تی زیاتری بۆ گه‌شه‌کردن بۆ ده‌ڕه‌خسێت.

مه‌سعود کوردپور

مه‌سعود کوردپور

ڕۆژنامه‌وان مه‌سعود کوردپور ده‌ڵێت ئه‌و په‌یامه‌ باش بوو بۆ خه‌ڵکی ئێران و بۆیه‌ ئاڕاسته‌ی گه‌لی ئێران کرا چونکه‌ حکومه‌تی ئێران ئاماده‌ نه‌بووه‌ گفتوگۆ له‌گه‌ڵ ڕۆژئاوا و ئه‌مه‌ریکادا بکات.

کوردپور ده‌شڵێت ئه‌گه‌ر ئۆباما ئه‌و‌ په‌یامه‌ی وزوتر ناردبایه‌ ، هه‌ر ئه‌و ساڵانه‌ی هاته‌ سه‌رکار و خه‌ڵاتی ئاشتی نۆبڵیان پێدا به‌رگری له‌ خه‌ڵکی بکردبایه،‌ چاکتر په‌یامه‌که‌ وه‌رده‌گیرا، واته‌ ئه‌و کاته‌ی له‌سه‌ر شه‌قامه‌کان ئاماده‌بوون به‌داخه‌وه‌ ئێستا تۆزێک دره‌نگ بووه‌.

ده‌توانن گوێبیسـتی ده‌قی گفتوگۆکه‌ ‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی سه‌ره‌وه‌ی ده‌سته‌ چه‌پ، ماوه‌كه‌ی 6:10 خوله‌كه‌.

بابه‌تی په‌یوه‌ندیدار

XS
SM
MD
LG