Accessibility links

خێزانێکی کوردی ئێزدی له‌ ده‌ستی داعش رزگار دەکرێت


Displaced people from the minority Yazidi sect, who fled violence in the Iraqi town of Sinjar, are seen as they prepare tea for breakfast at Bajed Kadal refugee camp, southwest of Dohuk province, August 23, 2014. REUTERS/Youssef Boudlal (IRAQ - Tags: POLI

Displaced people from the minority Yazidi sect, who fled violence in the Iraqi town of Sinjar, are seen as they prepare tea for breakfast at Bajed Kadal refugee camp, southwest of Dohuk province, August 23, 2014. REUTERS/Youssef Boudlal (IRAQ - Tags: POLI

خێزانێـکی کوردی ئێزدی کە لە چوار کەس پـێـکهاتووە (دایکێـک و سێ منداڵ)، توانراوە بە هەوڵی ژمارەیەک لە چالاکوانانی ئێزدی لە شاری حەلەب لە دەستی داعش ڕزگاربکرێن و بیانگێڕنەوە نێو کەسوکارەکەیان لە هەرێمی کوردسـتانی عێراق.

ئه‌بو شوجاع کە کوردێکی ئێزدی‌یه‌ و دامەزرێنەری تۆڕێکی چالاکوانانی ئێزدیـیە له‌ سوریا و عێراق به‌ ناوی( گروپی گه‌ڕان به‌ دوای ونبووه‌کاندا) لە وتووێژێـکدا لەگەڵ بەشی کوردی دەنگی ئەمەریکا گوتی ڕۆژی پـێنجشەممە خۆی و ئەندامانی گروپەکەی لە سوریا بوون و توانیویانە ئەو خێزانە ڕزگاربکەن کە لە عەشیرەتی مەسقوڕین و خەڵکی شەنگالن.

پاشان ڕۆژی هەینی خێزانەکەیان بۆ پارێزگای دهۆک هێناوەتەوە و لەوێ ڕادەسـتی خزم و کەسوکاریان کردووەتەوە. گوتیشی باوکی منداڵەکان لە نێو ئەو ئێزدیانەدایە کە داعش بێ سەروشوێنی کردوون و هەتا ئێسـتا هیچ لە بارەیانەوە نازانرێت.

جێی ئاماژەیە ئەبو شوجاع و گروپەکەی هەتا ئێسـتا توانیویانە سەدان دیل و ڕفێندراوی ئێزدی لە دەسـتی داعش ڕزگاربکەن.

نەجیب باڵایی لە بەشی کوردی دەنگی ئەمەریکا وتووێژەکەی لەگەڵدا ئەنجامداوە.

XS
SM
MD
LG