Accessibility links

قایمقامی سلێمانی باس له‌ هۆكاری ئاگركه‌وتنه‌وه‌كه‌ی شاخی گۆیژه‌ ده‌كات


به‌ختیار عه‌بدولڕه‌حمان قایمقامی سلێمانی له‌ میانی وتووێژێكدا له‌گه‌ڵ به‌شی كوردی ده‌نگی ئه‌مریكا باسی له‌ هۆكاره‌كانی كه‌وتنه‌وه‌ی ئاگره‌كه‌ی شاخی گۆیژه‌ كرد.

شه‌وی ڕابردوو ئاگرێكی به‌رفراوان له‌ شاخی گۆیژه‌ی شاری سلێمانی كه‌وته‌وه‌، پاش زیاتر له‌ شه‌ش كاتژمێر ئاگره‌كه‌ كۆنترۆڵ كرا.

به‌ختیار عه‌بدولڕحمان قایمقامی سلێمانی وتی:به‌ پێی لێكۆڵینه‌وه‌كانی ئێمه‌ سێ كه‌س هۆكاری ئه‌و ئاگر كه‌وتنه‌وه‌ن،و دووان له‌وانه‌ ده‌ستگیر كراون و ئه‌وی دیكه‌ش هه‌ڵهاتووه‌ و له‌ ئێستادا پۆلیس له‌ هه‌وڵی ده‌ستگیركردنیدایه‌.

قایمقامی سلێمانی ڕونی كرده‌وه‌ هیچ كام له‌و سێ كه‌سه‌ په‌یوه‌ندیان به‌ یه‌كه‌وه‌ نه‌بووه‌،دوان له‌وانه‌ مقه‌ڵی گۆشت برژاندنیان به‌كار هێناوه‌ دواتر نایان كوژاندۆته‌وه‌ و به‌ژێیان هێشتووه‌،ئه‌و دوانه‌ ده‌ستگیر كراون و په‌ڕاوی لێكۆڵینه‌وه‌یان بۆ كراوه‌ته‌وه‌ له‌ پۆلیس.

وتیشی كه‌سی سێیه‌م یاری ئاگرینی به‌كارهێناوه‌ ئه‌گه‌ر چی ژماره‌ی ئۆتۆمبێله‌كه‌ی نه‌گیراوه‌ به‌ڵام ده‌زانرێت ڕه‌نگ و جۆری ئۆتۆمبێله‌كه‌ چیه‌ و له‌ ئێستادا پۆلیس له‌ هه‌وڵی ده‌ستگیركردنێتی.

ئاگره‌كه‌ ڕوبه‌رێكی به‌رفراوانی شاخی گۆیژه‌ و به‌شێكی كه‌م له‌ چاڤی لاند و ئه‌كوا پاركی گرته‌وه‌ به‌ڵام تا ئێستا به‌ ته‌واوی ڕوبه‌ڕی زیانه‌كه‌ نه‌زانراوه‌.

به‌ختیار عه‌بدولڕحمان قایمقامی سلێمانی ده‌ڵێت تا ئێستا ڕوبه‌ری زیانه‌كه‌ نه‌زانراوه‌ و لیژنه‌یه‌كیان پێكهێناوه‌ بۆ لێكۆڵینه‌وه‌ له‌ ئه‌ندازه‌ی ئه‌و ڕوبه‌ره‌ی سوتاوه‌،لیژنه‌كه‌ش به‌رگری شارستانی سه‌رپه‌رشتی ده‌كات به‌ڵام به‌هۆی ئێوه‌ی شه‌وی ڕابردوو زۆر ماندوو بون بۆیه‌ ڕاگه‌یاندنی زیانه‌كان له‌ داهاتودا ڕاده‌گه‌یه‌نرێت.

وتیشی هیچ زیانی گیانی نه‌بوه‌ ته‌نها چه‌ند كه‌سێك نه‌بێت له‌ ئه‌ندامانی هێزه‌كانی ئاگركوژێنه‌وه‌ كه‌ به‌ هۆی ته‌نگ بونی هه‌ناسه‌یانه‌وه‌ به‌ دوكه‌ڵه‌كه‌ ڕه‌وانه‌ی نه‌خۆشخانه‌ كران.

XS
SM
MD
LG