Accessibility links

رەحمان غەریب : بڕیاری رێگریکردن لە NRT سزادانە و کەس نازانێت کێ ئەم بڕیارەی دەرکردووە


بە پێی ئەتیکی رۆژنامەگەری و بەپێی یاسا نێودەوڵەتییەکانی بەرگریی لە رۆژنامەنوسان و دەستڕاگەیشتن بە زانیارییەکان کۆمەڵە مافێکی هەم سەرەتایی و هەم جیهانین. هاوکات بە پێی یاسای رۆژنامەگەری حکومەتی هەرێمی کوردستانیش کە لەلایەن پەرلەمان و حکومەتی هەرێمەوە مۆڵەتی کارکردنی پێدراوە لەچوارچێوەی یاسادا مافی دەستڕاگەیشتن بە زانیارییەکان مافی راگەیاندنەکان و رۆژنامەوانانە، بەڵام ماوەی 4 مانگە میدیای NRT روماڵکردنی کۆبونەوەو و لێدوانەکانی سەرۆکایەتی هەرێمی کوردستان و حکومەتی هەرێم و بەرەکانی جەنگیان لێ قەدەغەکراوە؛ بە بڕیارێک کە تا ئەوڕۆکە رێکخراوەکانی داکۆکیکردن لەکاری رۆژنامەگەری دەڵێن کەس نازانێت کێ ئەم بڕیارەی دەرکردووە.

ئەمرۆ ١٤ی شوبات پێنج رێکخراوی داکۆکیکار لە کاری رۆژنامەوانی و مافەکانیان یاداشتێکیان بڵاوسکردۆتەوە و دەڵێن"چوار مانگە بە نیگەرانییەوە لە بڕیاری حکومەتی هەرێمی کوردستان دەڕوانین کە روماڵکردنی هەموو چالاکییە رەسمییەکانی ئەنجومەنی وەزیران و سەرۆکایەتی هەرێم و پێشمەرگەی لە کەناڵی ئێن ئارتی قەدەغەکردووە، بەپێی ئەو زانیارییانەی لە دامەزراوەی میدیایی نالیاوە دەستمانکەوتوون ئەم بڕیارە هێشتا هەر کارایە".

ئاسۆ جەبار بۆ دەنگی ئەمریکا و بۆ هەفتەنامەی رەهەندەکان وتووێژێکی لەگەڵ رێکخەری سەنتەری میترۆ رەحمان غەریب دا سازکردووە...

رەحمان غەریب دەڵێت "سەدان کەناڵی راگەیاندن هەیە، هەم ناوخۆیی و هەم حیزبی و هەم کەناڵەکانی راگەیاندنی دەرەوە روماڵی رووداوە گەرمەکانی هەرێمی کوردستان دەکەن، چ رووداوی ململانێی سیاسی، یان شەڕی داعش، لەبەرئەوە هەرێمی کوردستان هەواڵی گەرمی زۆر زۆر تیادایە بۆ کەناڵەکانی راگەیاندن چ ناوخۆیی بێت چ دەرەوە، دەبێت حکومەتی هەرێمی کوردستان رێگە خۆشبکات؛ ......"

هەروەها دەڵێت "بەداخەوە پێچەوانەی یاسا بڕیاردەدەن، بۆنمونە ئەم بڕیارەی کە لەسەر NRT دەرکراوە بەپێی ئەوەی ئێمە 4 مانگە بەدواداچوونی بۆ دەکەین و پەیامنێرەکانیان پەیوەندیمان پێوەدەکەن بۆمان دەرکەوتووە کە NRT ناتوانێت روماڵی هەواڵەکانی سەرۆکایەتی هەرێم و سەرۆکایەتی حکومەت بکات".

سەبارەت بە سەرچاوەی بڕیارەکە رەحمان غەریب دەڵێت "لەڕاستیدا نازانین ئەم بڕیارە لەکوێوە دەرچووە؛ ئایا لەسەرۆکایەتی هەرێمەوەیە یان سەرۆکایەتی حکومەتەوە؟".

هەروەها دەڵێت "بڕیاری رێگریکردن لە NRT هەم سزادانە و هەم بڕیارێک دەرکراوە کە بە چاوێکی نایەکسان تەماشای کەناڵەکانی راگەیاندن دەکرێت، لەبەرئەوە خەڵک حەقی خۆیەتی وا ڕاڤەی بکات کە ئەمە سزادانی NRT یە".

فەرموون لەگەڵ تەواوی وتووێژەکە لەم بەستەرەدا.....

please wait

No media source currently available

0:00 0:13:25 0:00

XS
SM
MD
LG