Accessibility links

فه‌رید ئه‌سه‌سه‌رد: پێویسته‌ بابه‌تی سه‌ربه‌خۆیی كوردستان له‌ ڕێگای دیالۆگ و وتووێژی ئاشتیانه‌ بێت له‌گه‌ڵ به‌غدا


فه‌رید ئه‌سه‌سه‌رد ئه‌ندامی سه‌ركردایه‌تی یه‌كێتی نیشتمانی كوردستان له‌ میانه‌ی لێدوانێكدا بۆ ده‌نگی ئەمەریكا ڕایگەیاند پێویسته‌ بابه‌تی سه‌ربه‌خۆیی كوردستان له‌ ڕێگای دیالۆگ و وتوێژی ئاشتیانه‌ بێت له‌گه‌ڵ به‌غدا بۆ ئه‌وه‌ی توشی كۆمه‌ڵێک كێشه‌ و گرفت نه‌بینه‌وه‌.

ئه‌و ئه‌ندامه‌ی سه‌ركردایه‌تی یه‌كێتی نیشتمانی كوردستان ئاماژه‌ی بۆ ئه‌وهش‌ كرد بۆ سه‌ربه‌خۆیی كوردستان پێویستیان به‌ دابینكردنی پێداویستیه‌كان هه‌یه‌. یه‌كێک له‌ پـێداویستیەكانیش ژێرخانێكی ئابوری گونجاوه‌، دەڵێت مەرج نیـیە زۆر باشبێت به‌ڵام لانی كهم‌ گونجاو بێت بۆ‌ سه‌ربه‌خۆیی.

فه‌رید ئه‌سه‌سه‌رد ئه‌وه‌شی وت "یه‌كێكی تر له‌ پێداویستیه‌كان بریتیه‌ له‌ حكومڕانی ته‌ندروست به‌ڵام من بۆچونی خۆم وایه‌ كه‌ له‌م قۆناغه‌دا كوردستان نه‌ ژێرخانی گونجاوی ئابوری هه‌یه‌ وه‌ نه‌ حكومڕانی ته‌ندروست بۆ سه‌ربه‌خۆیی هەیە."

له‌ باره‌ی ئه‌نجامدانی ڕیفراندۆمه‌وه‌ ئه‌و سه‌ركرده‌یه‌ی یه‌كێتی نیشتمانی كوردستان وتی: پـێویسته‌ پێش ئه‌نجامدانی ڕاپرسی گره‌نتی ئێوه‌ بكرێت كه‌ ڕاپرسیه‌كه‌ ناوچه‌ كوردستانیه‌ جێناكۆكه‌كانیش ده‌گرێثه‌وه‌ چونكه‌ ئه‌گه‌ر به‌ ته‌نها له‌م سێ پارێزگایه‌ی هه‌رێم ئه‌نجام بدرێت ئه‌وا جارێكی تر كورد ئه‌و ناوچانه‌ له‌ ده‌ست ده‌داته‌وه‌.

XS
SM
MD
LG