Accessibility links

هه‌لۆ واشنگتن: ڕۆژی جیهانی گه‌نجان و ڕه‌وشی گه‌نجانی کورد

  • شاهێد عەلەوی

ئه‌مڕۆ له‌ ڕۆژئه‌ژمێری یونسکۆ وه‌ک ڕۆژی گه‌نجان ده‌ناسرێت و هه‌ندێک له‌ وڵاتانی جیهان له‌ ئه‌مڕۆژه‌دا کۆمه‌ڵێک کۆڕ و کۆبوونه‌وه‌ی پێوه‌ندیدار به‌ گه‌نجان به‌ڕێوه‌ده‌به‌ن. له‌ هه‌مووی ئه‌م کۆڕانه‌دا جگه‌ له‌ ئه‌ماژه‌دان به‌ گرنگی ڕۆڵی گه‌نجان له‌ کۆمه‌ڵگادا باس له‌ ئه‌وه‌ ده‌کرێت که‌ چه‌ند هه‌ل و مه‌رجه‌که‌ بۆ داهاتوویه‌کی ڕوون بۆ ئه‌و گه‌نجانه‌ ڕه‌خساوه‌.

کێشه‌کانی کۆمه‌ڵایه‌تی و ئابووری له‌ ڕۆژهه‌ڵاتی ناوه‌ڕاست له‌ ئه‌وانه‌ ناوچه‌کانی کوردنشین داهاتووی گه‌نجانی کوردی زۆر ته‌ماوی و نادیارکردووه‌. ئێستا ئه‌و گه‌نجانه‌ له‌ خۆیان ده‌پرسن له‌ به‌راورد له‌ گه‌ڵ گه‌نجانی ڕۆژئاوا ئاخۆ ئه‌وان ده‌زانن گه‌نجی چیه‌؟ ئاخۆ گه‌نجانی ڕۆژئاواش وه‌ک ئه‌وان بێ هومێد و بێ ئایه‌نده‌ن؟

له‌ به‌راورد له‌ گه‌ڵ ده‌یه‌کانی پێشوودا ئایا کێشه‌ی گه‌نجانی کورد زیاتر بووه‌ یان ته‌نیا ئه‌وه‌ کراوه‌یی و فراوانی میدیاکان و تۆڕه‌کانی ئێنترنته‌ که‌ هه‌ل و مه‌رجه‌که‌‌ ناخۆشتر نیشان ده‌دات؟ چه‌ند له‌ کێشه‌کانی گه‌نجان له‌ ناوچه‌کانی کوردنشین به‌سراوه‌ته‌وه‌ به‌ شێوه‌ی ده‌سه‌ڵاتداری و چه‌ندی په‌یوه‌ندی هه‌یه‌ به‌ داب و نه‌ریتی کۆمه‌ڵایه‌تی و نه‌بوونی کۆمه‌ڵگایه‌کی مه‌ده‌نی به‌ هێز.

ئه‌م حه‌وته‌ له‌ به‌رنامه‌ی هه‌لۆ واشنگتن دا بۆ تاوتۆ کردنی ئه‌و پرسیارانه‌ میوانداری به‌ڕێزان خالید محه‌مه‌د زاده‌ ڕۆژنامه‌وان له‌ هه‌ریمی کوردستان و عه‌لی فه‌ریدی ڕۆژنامه‌وان له‌ ئاڵمان ده‌که‌ین.

XS
SM
MD
LG