Accessibility links

کۆریای باکور ڕێـکه‌وتنـنامه‌یه‌کی له‌شـکری له‌گه‌ڵ کۆریای باشوردا هه‌ڵده‌وه‌شێنێته‌وه‌

  • VOA News

سێ که‌شـتی جه‌نگی کۆریای باشور له‌ میانه‌ی مانۆڕی له‌شـکریدا له‌ ڕۆژئاوای وڵاته‌که‌، پـێـنجشه‌ممه‌ 27 ی پـێـنجی 2010

سێ که‌شـتی جه‌نگی کۆریای باشور له‌ میانه‌ی مانۆڕی له‌شـکریدا له‌ ڕۆژئاوای وڵاته‌که‌، پـێـنجشه‌ممه‌ 27 ی پـێـنجی 2010

کۆریای باکور ده‌ڵێت ئه‌و ڕێـکه‌وتنـنامه‌یه‌کی له‌شـکری خۆی له‌گه‌ڵ کۆریای باشوردا هه‌ڵوه‌شـاندۆته‌وه‌ که‌ به‌ ئامانجی ڕێـگه‌‌گرتن له‌ هه‌ر پـێـکدادانێـکی سه‌رسـنووری نێوانیان دانرابوو.

ڕۆژی پـێـنجشه‌ممه‌ ئاژانسی هه‌واڵه‌کانی کۆریای باکور بڵاویکرده‌وه‌ که‌وا وڵاته‌که‌یان په‌یمانـنامه‌یه‌کی هه‌ڵوه‌شـانده‌وه‌ که‌ به‌ مه‌به‌سـتی نه‌هێشـتنی ڕوودانی شه‌ڕی لابه‌لا له‌ سـنووری ئاوی ڕۆژئاوای نێوان هه‌ردوو کۆریادا دانرابوو. هه‌روه‌ها کۆریای باکور ئاگاهی داوه‌ به‌وه‌ی هه‌ر که‌شـتیـیه‌کی کۆریای باشور سـنووری نێوانیان بـبه‌زێنێت ئه‌وا ده‌موده‌ست هێرشی ده‌کرێته‌ سه‌ر.

ئه‌م بڕیاره‌ی کۆریای باکور هاوکاته‌ له‌گه‌ڵ ئه‌وه‌ی کۆریای باشور مانۆڕێـکی له‌شـکری بۆ ڕووبه‌ڕووبوونه‌وه‌ی ژێر ده‌ریایی‌یه‌کان له‌ ئاوه‌کانی ڕۆژئاوای وڵاته‌که‌یدا ئه‌نجام ده‌دات.

XS
SM
MD
LG