Accessibility links

پشێویه‌کانی نێوان هه‌ردوو کۆریا

  • Balen Salih

سه‌رۆکی کۆریای باشور لی میۆنگ باک، (ئه‌رشیفی وێنه‌)

سه‌رۆکی کۆریای باشور لی میۆنگ باک، (ئه‌رشیفی وێنه‌)

سه‌رۆکی کۆریای باشور ، فه‌رمانی داوه‌ تا ته‌واوی حکومه‌تی وڵاته‌که‌ له‌ ئامده‌ییدا بن بۆ باری نائاسایی، دوابه‌دوای مه‌شق و ڕاهێنانی تۆپخانه‌ی کۆریای باشور که‌ چه‌ند کیلۆمه‌ترێک دوور له‌ سنوری کۆریای باکوره‌وه‌ ده‌کرێت.

هه‌رچۆنێک بێت ، پیۆنگ یانگ ، پاشه‌کشه‌ی کردووه‌ له‌ هه‌ڕه‌شه‌کانی پێشوی، به‌وه‌ی وه‌ڵامێکی کاره‌ساتاوی ئه‌و مانۆڕه‌ی کۆریای باشور ده‌داته‌وه‌، وه‌ له‌ ڕێی ئاژانسی فه‌رمی ده‌نگ و باسی وڵاته‌که‌وه‌ گوتویه‌تی ئه‌و مه‌شق و ڕاهێنانه‌ی باشور ئه‌وه‌ ناهێنێت کاردانه‌وه‌ی له‌سه‌ر هه‌بێت.

سێ هاوڵاتی کۆریای باشور له‌ شوێـنێـکی گشـتی سه‌یری مه‌شق و ڕاهێنانی له‌شـکری وڵاته‌که‌یان ده‌که‌ن، دووشه‌ممه‌ 20 ی دوازده‌ی 2010

سێ هاوڵاتی کۆریای باشور له‌ شوێـنێـکی گشـتی سه‌یری مه‌شق و ڕاهێنانی له‌شـکری وڵاته‌که‌یان ده‌که‌ن، دووشه‌ممه‌ 20 ی دوازده‌ی 2010

کۆریای باشور ،دانیشتوانی خۆی گواستۆته‌وه‌ بۆ ‌ شوێنه‌ تایبه‌ته‌کانی داڵده‌دان له‌ ژێرزه‌مینه‌کاندا و فڕۆکه‌ جه‌نگیه‌کانی خۆشی باکار هێناوه‌ بۆ ئه‌م مانۆڕه‌ 90 خوله‌کیه‌ی ئه‌مڕۆ دووشه‌ممه‌ که‌ له‌ دوڕگه‌ی یوۆن پیۆنگ ده‌کرێت. وابڕیار بووه‌‌ له‌م مه‌شقه‌یدا کۆریای باشور نزیکه‌ی 1500 گولله‌ تۆپ بته‌قێنێت و په‌یامنێران که‌ له‌ شوێنه‌کانی داڵده‌داندان گوتویانه‌ هه‌ستیان به هه‌ژانی زه‌وی کردووه‌ له‌ ده‌می مانۆڕه‌که‌دا.

له‌ مانگی ڕابردوودا ، کۆریای باکور وه‌ک کاردانه‌وه‌یه‌ک به‌رامبه‌ر به‌ مانۆڕێکی هاوشێوه‌ ، تۆپبارانی دوڕگه‌که‌ی کرد و له‌ ئاکامی ئه‌و بۆردومانه‌ دوو سه‌رباز و دوو که‌سی سیڤیلیش کوژران.

له‌ ڕاگه‌یاندنه‌که‌ی ئه‌مڕۆ دووشه‌مه‌یدا پیۆنگ یانگ ئاماژه‌ی به‌وه‌ کردووه‌ که‌ کاردانه‌وه‌ی نابێت چونکه‌ وه‌ک ده‌ڵێت نیشان و ئامانجی ته‌قاندنی تۆپه‌کانی ئه‌مڕۆ دووشه‌ممه‌ بۆ دووراییه‌کی زیاتره‌ له‌ ناو ده‌ریادا.

بابه‌تی په‌یوه‌ندیدار

XS
SM
MD
LG