له پاش ڕاگه‌یاندنی ئه‌نجامی هه‌ڵبژاردنه مشتومه‌ڕ له‌سه‌ره‌کانی سه‌رکۆماری ئێران هی ساڵی 2009 که به پێی مه‌حمود ئه‌حمه‌دی نه‌ژاد بۆ گه‌ڕێکی تر به براوه ڕاگه‌یه‌ندرا، بزوتنه‌وه‌ی سه‌وز ڕێبه‌رایتی خۆنیشاندانه جه‌ماوه‌ریه‌کانی کرد که تێدا ئۆپۆزیسیۆن ئیدعای کرد فرت و فێڵ له هه‌ڵبژاردنه‌کان دا کرابوو. به تێپه‌ربوونی کات، هێندێك له ڕه‌خنه‌گران له‌و باوه‌ڕه‌دان بزوتنه‌وه‌ی سه‌وز نه‌ماوه.
مۆعته‌به‌ر شێروانی ئه‌م پرسیاره و ژماره‌یه‌ک پرسیاری تری ئاڕاسته‌ی کۆمه‌ڵناس خالید ته‌وه‌کولی بنکه له ئێران کرد. به‌ڕێز ته‌وه‌کولی ده‌ڵێت له‌سه‌ر ئه‌وه ده‌مێنیته‌وه چ پێناسه‌یه‌ك بۆ بزوتنه‌وه‌ی سه‌ۆز ده‌کرێت. ئه‌گه‌ر پێناسه‌ی ئێمه له بزوتنه‌وه‌ی سه‌ۆز خۆنیشاندانه‌کانی سه‌رشه‌قامه‌کان بێت که له پاش هه‌ڵبژاردنه‌کانی سه‌رکۆماری ئێران هی ساڵی 2009 به‌ڕێوه‌چون دیاره تا ڕاده‌یه‌کی زۆر که‌م ڕه‌نگ بۆته‌وه هه‌تا ده‌توانین بڵێن نه‌ماوه به‌ڵام پێموایه بزوتنه‌وه‌ی سه‌وز رووی شاراوه‌ی هه‌یه‌و ئه‌و لایه‌نه نادیاره هێشتا خه‌ریکه کار ده‌کات و هه‌وڵ ده‌دات ئه‌و بزتنه‌وه‌یه زیندو ڕابگرێت.
