Accessibility links

کینیا له‌ ڕێوڕه‌سـمێـکی گه‌وره‌دا ده‌سـتی به‌ په‌یڕه‌وکردنی ده‌سـتوری نوێی خۆی کرد

  • VOA News

ڕۆژی هه‌ینی به‌ ده‌یان هه‌زار کینی ئاڵای وڵاته‌که‌یان ده‌شه‌کانده‌وه‌ و دروشمیان ده‌گوته‌وه‌ هاوکاتی سه‌رۆک موای کیباکی ده‌سـتوری نوێی واژووکرد که‌ ده‌سه‌ڵاته‌کانی سه‌رۆک که‌م ده‌کاته‌وه‌ و ده‌سه‌ڵاتی زیاتر ده‌داته‌ حکومه‌ته‌ خۆجێـیه‌کان.

سه‌رۆک کیباکی و سه‌رۆک وه‌زیر ڕه‌یلا ئۆدینگا و کاربه‌ده‌سـتانی دیکه‌ی باڵای حکومه‌ت له‌سه‌ر ده‌سـتوری نوێ سـوێندی یاسایـیان خوارد.

ڕێوڕه‌سمه‌که‌ له‌ پارکی ئوهوروی نایرۆبی سـازکرا و تیایدا سه‌مای میلـلی و نمایشی سه‌ربازی کرا. چه‌ندین که‌سـایه‌تی ناودار له‌ سه‌رانسه‌ری جیهانه‌وه‌ ئاماده‌ بووبوون.

به‌ڕیز کیباکی ڕووداوه‌که‌ی به‌ ڕۆژێـکی مه‌زن بۆ کینیا ناوبرد و گوتی ئه‌مه‌ گرنگترین ڕۆژه‌ له‌ میژووی کینیا له‌وه‌تای له‌ سـاڵی 1963 وه‌ ده‌سـتوری سه‌ربه‌خۆی وڵاته‌که‌ی په‌یڕه‌وکرد.

جێی ئاماژه‌ پـێـکردنه‌ 4 ی مانگی هه‌شت و له‌ ڕاپـرسـیـیه‌کی گشـتیدا کینیـیه‌کان ده‌سـتوری نوێی وڵاته‌که‌یان په‌سه‌ندکرد.

XS
SM
MD
LG