Accessibility links

که‌مال بن یونس: تونس له‌ هه‌موو وڵاتێکی عه‌ره‌بی زیاتر ده‌رفه‌تی هه‌یه‌ بۆ سه‌رکه‌وتنی پرۆسه‌ی دیموکراسی

  • Balen Salih

خۆپـیشـاندانی خه‌ڵـکی تونس له‌ دژی ڕژێمه‌که‌ی زه‌ین ئه‌لعابدین بن عه‌لی

خۆپـیشـاندانی خه‌ڵـکی تونس له‌ دژی ڕژێمه‌که‌ی زه‌ین ئه‌لعابدین بن عه‌لی

خۆپیشاندانه‌کانی وڵاتی تونس که‌ که‌متر له‌ مانگێک له‌مه‌وبه‌ر ده‌ستی پێکرد وه‌ک ناڕه‌زایی به‌رامبه‌ر به‌ ڕژێمه‌که‌ی (زه‌ین ئه‌لعابدین بن عه‌لی) بوونه‌ مایه‌ی چونه‌ده‌ره‌وه‌ی سه‌رۆکی پێشوی تونس له‌ وڵاته‌که‌.

که‌مال بن یونس ، سه‌رنوسه‌ری گۆڤاری سیاسه‌تی نێونه‌ته‌وه‌یی (السیاسه‌ الدولیه‌) له‌ تونس ده‌ڵێت ده‌سته‌ی نوێی سه‌رۆکایه‌تی کاتیی تونس که‌ ڕۆژی شه‌ممه‌ ڕاگه‌یه‌ندرا ، ده‌ستی کردووه‌ به‌ دیالۆگ له‌گه‌ڵ ئۆپزسیۆن و له‌گه‌ڵ هه‌موو لایه‌نه‌ سیاسیه‌کانی له‌ ناو و له‌ ده‌ره‌وه‌ی تونس جم و جۆڵ و چالاکییان هه‌یه‌.

ڕۆژنامه‌وان بن یونس ده‌ڵێت ئه‌م حکومه‌ته‌ کاتیه‌ی ئێستای وڵاته‌که‌ی ته‌نها ئه‌رکی به‌ڕێوه‌بردنی کاروباره‌کانی ئه‌م قۆناغی گواستنه‌وه‌یه‌ی له‌ ئه‌ستۆیه‌ و هه‌روه‌ها ئاماده‌کارییه‌کانیش بۆ هه‌ڵبژاردنێکی ئازاد و ڕه‌وا تا حکومه‌تی نوێ به‌رپرسێتیه‌کان له‌ ئه‌ستۆ بگرێت.

سه‌رنوسه‌ری گۆڤاری سیاسه‌تی نێونه‌ته‌وه‌یی له‌ تونس ده‌شڵێت یه‌کێک له‌ ئه‌رکه‌ سه‌ره‌کیه‌کانی حکومه‌تی نوێی وڵاته‌که‌ی ، لێپێچینه‌وه‌یه‌ له‌ به‌دڕه‌فتاری و گه‌نده‌ڵیه‌کانی حکومه‌ته‌که‌ی زه‌ین ئه‌لعابدین بن عه‌لی‌ ، به‌ڵام ئاماژه‌ش به‌وه‌ ده‌کات که‌ ئه‌زمونه‌کانی پێشو وای لێده‌کات به‌رامبه‌ر ئه‌و لێپێچینه‌وانه‌ گه‌ش بین نه‌بێت.

له‌سه‌ر بنچینه‌ی گفت و گۆکه‌ی له‌گه‌ڵ که‌مال بن یونس ، سه‌رنوسه‌ری گۆڤاری سیاسه‌تی نێونه‌ته‌وه‌یی ، هاوکارمان به‌ڵێن ساڵح ئه‌م ڕاپۆرته‌ی ئاماده‌کردووه‌.

ده‌توانن له‌ ڕێی کلیککردنی ئه‌و فایله‌ ده‌نگیه‌ی سه‌ره‌وه‌ی ده‌سته‌ چه‌پ گوێبیستی ته‌واوی ڕاپۆرته‌که‌ بن که‌ ماوه‌که‌ی 7:36 خوله‌که‌.

بابه‌تی په‌یوه‌ندیدار

XS
SM
MD
LG