Accessibility links

به‌ هه‌زاران که‌س به‌شداری له‌ خۆنیشاندانه‌کانی ئۆرد‌ندا ده‌که‌ن

  • VOA News

ئوردونیـیه‌کان خۆپـیشـاندان له‌ دژی مه‌عروف ئه‌لبخیت سه‌ره‌ک وه‌زیری نوێی وڵاته‌که‌یان ده‌که‌ن، هه‌ینی 4 ی دووی 2011

ئوردونیـیه‌کان خۆپـیشـاندان له‌ دژی مه‌عروف ئه‌لبخیت سه‌ره‌ک وه‌زیری نوێی وڵاته‌که‌یان ده‌که‌ن، هه‌ینی 4 ی دووی 2011

ئه‌مڕۆ هه‌ینی له‌ عه‌ممانی پایته‌ختی ئوردن به‌ هه‌زاران که‌س به‌شداریـیان له‌ خۆنیشاندانه‌کانی ئوردن کرد بۆ ئه‌وه‌ی گوشاربخه‌نه‌ سه‌ر سه‌ره‌ک وه‌زیرانی تازه‌ له‌سه‌رکار داندراو ده‌ست به‌ جێبه‌جێکردنی ئه‌و ڕیفۆرمه‌ سیاسیانه‌ بکات که‌ به‌ڵێنی داون.

خۆنیشاندانه‌کانی عه‌ممان ڕۆژێك پاش ئه‌وه‌ ده‌کرێن که‌ گه‌وره‌ترین پارتی ئیسلامی ئۆپۆزسیۆن گفتوگۆی له‌گه‌ڵ شا عه‌بدۆڵا کرد بۆ تاووتوێـیکردنی داخوازیـیه‌کانیان.

له‌ کاتێک هه‌ندێک داوایان کردووه‌ سه‌ره‌ک وه‌زیری ده‌ست نیشانکراو مه‌عروف ئه‌لبخیت ده‌ست له‌ کار بکێشیته‌وه‌، ڕێبه‌رانی ئیخوان ئه‌لموسلیمینی ئۆپۆزسیۆن ده‌ڵێن ئه‌وان ده‌رفه‌تی ده‌ده‌نێ بۆ جێبه‌جێکردنی چاکسازی.

پێشترێکی ئه‌م هه‌فته‌یه‌، شا عه‌بدوڵا حکومه‌تی هه‌ڵوه‌شانده‌وه‌ له‌ پاش چه‌ند هه‌فته‌ خۆنیشاندانی دژ به‌ حکومه‌ت که‌ ئیلهامیان له‌ ڕاپه‌ڕینی سیاسی له‌ تونس و میسر وه‌رگرت.

دوابه‌دوای دیداری پێنجشه‌ممه‌ له‌گه‌ڵ ئیخوان ئه‌لموسلیمین، شا عه‌بدوڵا دانی پیادانا چاکسازی له‌سه‌ر خۆ به‌ڕێوه‌چوه‌. ئه‌و گو‌تیشی هه‌موو لایه‌نه‌کان ده‌بێت پێکه‌وه‌ کار بکه‌ن تا وڵاتیان ڕۆڵی گه‌وره‌تریان له‌ بڕیاردان هه‌بێت.

یه‌کێک له‌ داوا سه‌ره‌کیـیه‌کانی ئیخوان ئه‌لموسلیمین گۆڕینی ده‌ستوره‌ بۆ ئه‌وه‌ی په‌رله‌مان ده‌سـه‌ڵاتی زیاتری هه‌بێت بۆ دانانی سه‌ره‌ک وه‌زیر که‌ ئێستا مافی تایبه‌تی پادشایه‌.

XS
SM
MD
LG