Accessibility links

خێڵه‌کێکان هوشیاری‌ ده‌ده‌ن گه‌ر شای ئوردن چاکسازی نه‌کات ئه‌وا ڕاپه‌رینی له‌ دژ ئه‌نجام ده‌ده‌ن

  • VOA News

خۆپیشاندان له‌ ئوردون له‌ چواری مانگی دووی ساڵی 2011 دا

خۆپیشاندان له‌ ئوردون له‌ چواری مانگی دووی ساڵی 2011 دا

ئه‌ندامانی خێڵی سه‌ره‌کی به‌ده‌ویـین له‌ ئوردن چوونه‌ پاڵ ئوپۆزسیونه‌وه‌ له‌ داواکاریـیه‌کانی بۆ ئه‌نجامدانی چاکسازی سیاسی ده‌ستبه‌جێ له‌و وڵاته‌دا و ئاگاهیان دا به‌ شا عه‌بدوڵا له‌وه‌ی دووچاری ڕاپه‌ڕینێکی گشتی ده‌بێته‌وه‌ گه‌ر داواکاریـیه‌کانیان جێبه‌جێ نه‌کات.

له‌ نامه‌یه‌کدا بۆ پادشایه‌تی ئوردن له‌ ڕۆژی دووشه‌ممه‌دا، 36 ئه‌ندامانی خێڵه‌که‌ داوای گۆڕانکاریان کرد به‌سه‌ر قانونه‌کانی هه‌ڵبژاردن که‌ ڕه‌خنه‌گران ده‌ڵێن ڕێ ده‌دات به‌ لایه‌نگرانی شا عه‌بدوڵا ده‌ستبه‌سه‌ر زۆرینه‌ی په‌رله‌مان بگرن.

پیاوه‌ خێڵه‌کیه‌کان هه‌روه‌ها داوای پێکهێنانی حکومه‌تێکی نوێـیان کرد که‌ چاودێری به‌ڕێوه‌چوونی هه‌ڵبژاردنێکی په‌رله‌مانی ڕوون و ئاشکرا بکات له‌سه‌ر بنه‌مای قانونه‌ هه‌موارکراوه‌‌کان.

هه‌روه‌ها ئاگاهیان دا له‌وه‌ی زه‌ودکردنی ئازادی و دزیکردنی سه‌روه‌ت و سامانی گشتی سا ئیتر زوو یا دره‌نگ که‌وتبێت ‌له‌ ئوردن ئه‌وا ڕه‌نگه‌ دووچاری راپه‌ڕینێکی گشتی به‌هه‌مان شێوه‌ی ڕاپه‌رینه‌کانی تونس و میسر بێته‌وه‌.

بابه‌تی په‌یوه‌ندیدار

XS
SM
MD
LG