باری ئاسایش له ئوستانی دیالی هێشتا نه‌گه‌راوه‌ته‌وه سه‌ر باری ئاسایی خۆی و له‌سه‌ر ئه‌نجام ژوماره‌یه‌کی زۆر له هاوڵاتیانی ئوستانه‌که که‌وتونه‌ته به‌ر شاڵاوی کاره توند و تیژ و تیروریستیه‌کان.
حه‌سه‌ن جیهاد ئه‌ندامی په‌ڕله‌مانی عێراق له سه‌ر لیستی هاوپه‌ێمانی کوردستان له هه‌ڤپه‌ێڤینێکدا له‌گه‌ڵ به‌شی کوردی ده‌نگی ئه‌مریکا ده‌ڵێت ئوستانی دیالی یه‌کێک له‌و ئوستانانه‌یه که حکومه‌ت به باشێ ده‌ستی به‌سه‌ردا نه‌گرتوه‌و گروپه‌کانی القاعده، الزرقاوی و پاشماوه‌کانی پارتی به‌عس تیدا چالاکن و کاری تیروریستی و توندو تیژی ئه‌نجام ده‌ده‌ن وه هێزه‌کانی ئاسایشی عێراق له ئاستی به‌رپرسیاره‌تیه‌که‌یاندا نه‌بونه، هه‌وڵیان داوه، به‌ڵام له ئاستی کاره‌کانیاندا نه‌بوه، ده‌شڵێت هه‌ر له مانگی ڕابوردو په‌لاماری ئه‌نجومه‌نی پارزگایان داون وهاوڵاتیانیکی زۆر کوژران و ناچار بون ئێتر له‌وی کۆبونه‌وه نه‌که‌ن و کۆبونه‌وه‌کانیان بۆ خانه‌قین بگوازنه‌وه و هه‌ر وه‌ها ده‌ڵێت کورد ئامانجی هێڕشه‌کانن و 1400 خێزانی کورد له سه‌عدیه و جه‌لولا رایان کردون.
. حه‌سه‌ن جیهاد ده‌شڵێت ئومێد ده‌کرێت ئه‌گه‌ر رێک بکه‌ون هێزه‌کانی حکومه‌ت له‌گه‌ڵ هێزی پێشمه‌رگه ئه‌و ناوچانه کونترۆڵ بکه‌ن.
ده‌توانن له ڕێی کلیککردنی ئه‌و فایله ده‌نگیانه‌ی سه‌ره‌وه‌ی ده‌سته چه‌پ گوێبیستی ته‌واوی گفت و گۆکه بن که ماوه‌که‌ی 5:18خوله‌که.
