Accessibility links

بان کی مون ئاگاهی ده‌دات له‌ مه‌ترسی ڕوودانی شه‌ڕی ناوخۆ له‌ که‌ناری عاج

  • VOA News

سکرتێری گشتی نه‌ته‌وه‌ یه‌کگرتووه‌کان بان کی مون له‌گه‌ڵ باڵیۆزی که‌ناری عاج یوسفۆ بامبا ته‌وقه‌ ده‌کات، نیویۆرک، 29 ی دوازده‌ی 2010

سکرتێری گشتی نه‌ته‌وه‌ یه‌کگرتووه‌کان بان کی مون له‌گه‌ڵ باڵیۆزی که‌ناری عاج یوسفۆ بامبا ته‌وقه‌ ده‌کات، نیویۆرک، 29 ی دوازده‌ی 2010

سـکرتێری گشـتی نه‌ته‌وه‌ یه‌کگرتووه‌کان بان کی مون ئاگاهی داوه‌ به‌ لایه‌نگرانی لۆران گباگبۆی سه‌رۆکی وڵاتی که‌ناری عاج ( کۆده‌ڤوا) که‌ هێرشکردنه‌ سه‌ر ڕکه‌به‌ره‌ سیاسیـیه‌که‌ی ده‌کرێت شه‌ڕی ناوخۆ هه‌ڵایسێنێت.

ڕۆژی پـێـنجشه‌ممه‌ گوته‌بێژێـکی به‌ڕێز بان گوتی سـکرتێری گشـتی زۆر نیگه‌رانه‌ سه‌باره‌ت به‌و داوایانه‌ی ده‌کرێن بۆ هێرشکردنه‌ سه‌ر ئه‌و هوتێله‌ی ئه‌لحه‌سه‌ن وتارا تیایدا له‌ ژێر پاراستنی نه‌ته‌وه‌ یه‌کگرتووه‌کاندا کارده‌کات.

نه‌ته‌وه‌ یه‌کگرتووه‌کان دان به‌وه‌دا ده‌نێت که‌ به‌ڕێز وتارا براوه‌ی هه‌ڵبژاردنه‌که‌ی سه‌رۆکایه‌تی مانگی یازده‌ی وڵاته‌که‌یه‌ که‌ به‌ڕێز گباگبۆی ئاکامه‌کانی قبوڵ ناکات.

گوته‌بێژه‌که‌ی به‌ڕێز بان گوتیشی ئاشـتیپارێزانی نه‌ته‌وه‌ یه‌کگرتووه‌کان ڕێـگه‌یان پـێدراوه‌ هه‌رچی پـێویست بێت به‌کاری بهێنن بۆ پاراسـتنی کاربه‌ده‌سـتانی حکومه‌ت و که‌سـانی هوتێله‌که‌ش.

ئه‌مڕۆ هه‌ینی وه‌زیری ده‌ره‌وه‌ی به‌ریتانیا ولیه‌م هه‌یگ به‌ که‌ناڵی BBC ڕاگه‌یاند به‌ریتانیا پـشـتیوانی له‌ ده‌سـتێوه‌ردانی گه‌مارۆی له‌شـکری نه‌ته‌وه‌ یه‌کگرتووه‌کان ده‌کات، ئه‌گه‌ر گفتوگۆکان به‌ڕێز گباگبۆ قایل نه‌که‌ن واز له‌ ده‌سه‌ڵات بهێنێت.

بابه‌تی په‌یوه‌ندیدار

XS
SM
MD
LG