Accessibility links

پـۆلیسی ئیتاڵیا پـیاوێـک به‌ گومانی هه‌وڵی تێرۆریستی ده‌سـتگیرده‌کات

  • VOA News

پـۆلیسی ئیتاڵیا پـیاوێـکی مه‌غریبیـیان ده‌سـتگیرکردووه‌ به‌ گومانی ئه‌وه‌ی پـیلانی داڕشـتووه‌ بۆ هێرشکردنه‌ سه‌ر کنیشتێـک له‌ شـاری میلان.

یه‌که‌ی دژه‌ تێرۆری ئیتاڵیا ده‌ڵێت پـیاوه‌که‌ ته‌مه‌نی 20 سـاڵه‌ و له‌ ئیتاڵیا گه‌وره‌ بووه‌ و زوویه‌کی ئه‌مڕۆ پـێـنجشه‌ممه‌ له‌ شـاری بریشیای باکوری وڵات ده‌سـتگیرکراوه‌.

ده‌سه‌ڵاتداران ده‌ڵێن له‌ ناو کۆمپـیۆته‌ره‌که‌ی زانیاری وردی تیادا بووه‌ له‌سه‌ر ڕێوشـوێنه‌ ئاسایشیـیه‌کانی ناو کنیشته‌که‌، وه‌ک ژماره‌ی پاسه‌وانان و خاڵه‌کانی چوونه‌ ناوه‌وه‌.

ده‌سه‌ڵاتدارانی ئیتاڵیا پـێـکه‌وه‌ له‌گه‌ڵ هاوتا ئه‌مه‌ریکایی و به‌ریتانیـیه‌کانیان کارده‌که‌ن بۆ لێـکۆڵینه‌وه‌ له‌ مه‌سه‌له‌که‌.

هه‌ر ئه‌مڕۆ پـێـنجشه‌ممه‌ پـۆلیسی به‌ریتانیا له‌ له‌نده‌ن ژنێـکی یه‌مه‌نیـیان ده‌سـتگیرکردووه‌ که‌ په‌یوه‌ندی به‌و مه‌غربیـیه‌وه‌ هه‌بووه‌. گومان ده‌کرێت ئه‌و ژنه‌ زانیاری گرنگی بۆ کاری تێرۆریستی کۆکردبێته‌وه‌.

XS
SM
MD
LG