Accessibility links

کوژرانی فه‌ڵه‌ستینیه‌کان توندوتیژی دژ به‌ ئیسرائیل لێ ده‌که‌وێته‌وه‌

  • Robert Berger

ژماره‌یه‌ک پـۆلیسی ئیسرائیلی فه‌ڵه‌سـتینیـیه‌ک له‌ ئۆرشه‌لیمی ڕۆژهه‌ڵات ده‌سـتگیرده‌که‌ن، هه‌ینی 13 ی پـێنجی 2011

ژماره‌یه‌ک پـۆلیسی ئیسرائیلی فه‌ڵه‌سـتینیـیه‌ک له‌ ئۆرشه‌لیمی ڕۆژهه‌ڵات ده‌سـتگیرده‌که‌ن، هه‌ینی 13 ی پـێنجی 2011

ئاڵۆزیه‌کانی ڕۆژهه‌ڵاتی ناوه‌ڕاست ده‌گاته‌ ئیسرائیل و خاکی فه‌ڵه‌ستین. په‌یامنێرمان رۆبه‌رت بێرگه‌ر له‌ نوسینگه‌ی ده‌نگی ئه‌مه‌ریکا له‌ ئۆرشه‌لیم ئه‌م ڕاپۆرته‌ی بۆ ناردوین.

پێکدادان له‌ نێوان فه‌ڵه‌ستینیه‌کان و ئیسرائیلیه‌کاندا له‌ ڕۆژئاوای ئۆرشه‌لیم ڕووی دا له‌ میانه‌ی به‌خاسپاردنی نه‌وجه‌وانێکی عه‌ره‌ب که‌ له‌ کاتی خۆپیشاندانی بیره‌وه‌ری ناسراو به‌ کاره‌سات ‌ یاخود دامه‌زراندنی ده‌وڵه‌تی ئیسرائیل له‌ ساڵی 1948دا کوژرابوو .

فه‌ڵه‌ستینیه‌کان به‌ردیان ده‌گرته‌ پۆلیس و ئه‌وانیش به‌ گازی فرمێسك رێژ و گولله مه‌تاتی‌ وه‌ڵامیان دانه‌وه‌‌.

که‌سوکاری نه‌وجه‌وانه‌ کوژراوه‌که‌ ده‌ڵێن: ئه‌و له‌ لایه‌ن نیشته‌جێ‌یه‌کی جوله‌که‌وه‌ له‌ کاتی خۆپیشاندانی ڕۆژی هه‌ینی ته‌قه‌ی لێکرابوو، به‌ڵام پۆلیسی ئیسرائیل ده‌ڵێت هێشتا ڕوو‌ن‌نیه‌ کێ ته‌قه‌ی له‌و‌ گه‌نجه‌ کردووه‌.

وه‌ك چاولێکردنی شۆڕشی میسر، فه‌ڵه‌ستینیه‌کان خۆپیشاندانه‌کانیان له‌سه‌ر فه‌یسبووک ڕێكخست.

داوای 3 رۆژ خۆپیشاندان ده‌که‌ن و له‌ سه‌به‌ینێ‌دا ڕۆژی یه‌ك شه‌مه‌ 15ی مانگی پـێنج که‌ ساڵیادی کاره‌ساته‌که‌یه‌ داوای ئه‌نجامدا‌نی به‌رفراوانترین خۆپیشاندان ده‌که‌ن.

شیکه‌ره‌وه‌ی فه‌ڵه‌ستینی محه‌مه‌د ئه‌لدجانی ده‌ڵێت: ساڵیادی کاره‌ساته‌که‌ زۆر گرنگه‌ بۆ فه‌ڵه‌ستینیه‌کان، له‌به‌ر‌ ئه‌وه‌ی کاتێك ده‌وڵه‌تی ئیسرائیل دامه‌زرا فه‌ڵه‌ستینیه‌کان بێ ڕێ و شوێن مانه‌وه‌.

محه‌مه‌د ئه‌لدجانی ده‌ڵێت پـێـیان خۆشه‌ یادی کاره‌ساته‌که‌ بکه‌نه‌وه‌ بۆ ئه‌وه‌ی له‌ بیره‌وه‌ریاندا بمێنێته‌وه‌ و پشتگیریبێت بۆ مافی فه‌ڵه‌ستینیه‌کان بۆ دامه‌زراندنی ده‌وڵه‌تی فه‌ڵه‌ستینی.

وه‌ك مه‌ترسیه‌ك له‌ وه‌رگه‌ڕانی خۆپیشاندان بۆ کاری توندوتیژی، هێزه‌کانی ئاسایشی ئیسرائیل له‌ ئاماده‌باشیدان.

وه‌زیری ئاسایشی گشتی ئیسرائیل یه‌زخاك ئاهرۆ نۆڤیچ ده‌ڵێت بۆ په‌ره‌نه‌سه‌ندن فه‌رماندراوه‌ به‌ پۆلیس سه‌ربازه‌کان به‌ ئه‌وپه‌ڕی دانبه‌خۆداگرتندا ڕه‌فتاربکه‌ن.

ئاهرۆ نۆڤیتچ ده‌ڵێت هێزه‌کانی ئیسرائیل ڕێگری ده‌کات له‌ هه‌رچ هه‌وڵێکی فه‌ڵه‌ستینیه‌کان بۆ شێواندنی ئاشتی و گرتنی رێگاکان، گوتیشی به‌و هیوایه‌یه‌ خۆپیشاندانه‌کان به‌ ئارامی به‌ڕێوه‌بچێت.

ڕۆژی هه‌ینی هه‌زاران له‌ عه‌ره‌به‌کان له‌ ئور‌دن و میسر بۆ پشتگیری فه‌ڵه‌ستینیه‌کان خۆپیشاندانیان ئه‌نجامدا.

ئاڵوزیه‌کان له‌ کاتێکدایه‌ نێردراوی ئه‌مه‌ریکا بۆ ڕۆژهه‌ڵاتی ناوه‌ڕاست جۆرج میچڵ ده‌ست له‌ کارکێشانه‌وه‌ی خۆی ڕاگه‌یاند و کۆتایی به‌ هه‌وڵی زیاتر له‌ دوو ساڵی وتووێژی ئاشتی سه‌رنه‌که‌وتوو له‌ نێوان ئیسرائیل و فه‌ڵه‌ستینیه‌کاندا هێنا.

مه‌ترسیش له‌وه‌دایه‌ له‌ نه‌بوونی پرۆسه‌ی ئاشتیدا ئه‌گه‌ری توندوتیژی نوێ هه‌یه‌.

بابه‌تی په‌یوه‌ندیدار

XS
SM
MD
LG