Accessibility links

خۆپیشانده‌ران له‌ ئیسرائیل ناڕه‌زایی به‌رامبه‌ر گرانی ده‌رده‌بڕن

  • VOA News

خۆپیشانده‌ران له‌ ئیسرائیل ناڕه‌زایی به‌رامبه‌ر گرانی ده‌رده‌بڕن

خۆپیشانده‌ران له‌ ئیسرائیل ناڕه‌زایی به‌رامبه‌ر گرانی ده‌رده‌بڕن

ده‌یان هه‌زار ئیسرائیلی بۆ دووهه‌فته‌ی له‌سه‌ر یه‌ک له‌ شه‌قامه‌کانی تیل ئه‌ڤیڤ و ئورشه‌لیم خۆپیشاندان ساز ده‌که‌ن بۆ ناڕه‌زایی ده‌ربڕین به‌رامبه‌ر به‌ گرانی. به‌شدار بووان له‌ زۆر به‌شه‌کانی کۆمه‌ڵگا پێکهاتوون له‌وانه‌شدا مامۆستا،خوێندکار،کارمه‌ندانی حکومه‌ت و پزیشک.

دافن لییف، یه‌کێک له‌ ڕێکخه‌رانی خۆپیشانده‌ران نزیکه‌ی دوو مانگه‌ له‌ ژێر خێمه‌ له‌ تیل ئه‌ڤیڤ ده‌ژێت، و داوای که‌م کردنه‌وه‌ی نرخی خانو ده‌کات.

لییف ده‌ڵێت" شتیکی مه‌حاڵه‌ بژێوی ژیانت ده‌ست که‌وێت ئێمه‌ داهاتوومان نییه‌، له‌ ئێستادا وا بیرده‌که‌مه‌وه‌".

ئه‌مه‌ش به‌هۆی ئه‌وه‌یه‌ که‌ له‌ ئیسرائیلدا نرخی شتو مه‌ک به‌رزه‌ به‌ڵام داهات که‌مه‌.

له‌ییف ده‌شڵێت "من ژیانم ڕۆژ به‌ ڕۆژ به‌سه‌ر ده‌به‌م. هه‌ر نازانم چۆن پاره‌ پاشه‌ که‌وت بکه‌م. نازانم چۆن ڕۆژێک بتوانم خانو بکڕم".

نرخی ئه‌پارتمه‌نتێکی ئاسایی له‌ تیل ئه‌ڤیڤ یان ئورشه‌لیم نزیکه‌ی 5 سه‌د هه‌زار دۆلاره‌ و نرخی خۆراک و سوته‌مه‌نیش زۆر گرانه‌، له‌کاتێکدا به‌ گشتی داهاتی مانگانه‌ی که‌سێک له‌وێ نزیکه‌ی 2500 دۆلاره‌. مامۆستاو فه‌رمانبه‌ری سڤیلی که‌متر له‌ 2000 دۆلار موچه‌ی مانگانه‌یانه‌ زۆر له‌ پیزشکه‌کانیش له‌ که‌رتی گشتیدا ته‌نها کاتژمێری 12 دۆلار وه‌رده‌گرن.

خۆپیشانده‌ران داوا له‌ حکومه‌ت ده‌که‌ن باج که‌م بکاته‌وه‌ و نرخی خانوبه‌ره‌ که‌م بکاته‌وه‌.

ده‌توانن له‌ ڕێی کلیککردنی ئه‌و فایله‌ ده‌نگیانه‌ی سه‌ره‌وه‌ی ده‌سته‌ چه‌پ گوێبیستی ته‌واوی ڕاپۆرته‌که‌ بن که‌ ماوه‌که‌ی 1:40 خوله‌که‌.

XS
SM
MD
LG