Accessibility links

ڕوانگه‌؛ ئه‌گه‌ری هێرشی تێرۆریستی داعش بۆ سه‌ر ئێران

  • شاهێد عەلەوی

هێرشه‌ تێرۆریستیه‌که‌ی داعش بۆ سه‌ر پاریس و به‌رده‌وام بوونی ئۆپراسیونی دژه تیرۆر له‌ وڵاته‌کانی جۆربه‌جۆر نیشانی ده‌دات که‌ مه‌ترسی هێرشی تێرۆریستی داعش بۆ سه‌ر ئه‌وروپا و به‌ گشتی ڕۆژئاوا ڕوو له‌ زیادبوونه‌.

داعش نه‌ک هه‌ر غه‌یری موسوڵمانان که‌ هه‌موو چه‌شنه‌ ئاین و باوه‌ڕێک جگه‌ له‌ ئه‌وه‌ خۆی په‌سندی بکات، له‌ وانه‌ ئاینی شێعه‌ به‌ کافر و دژی ئێسلام داده‌نێت.

جا داعش که‌ له‌ قسه‌ و کرده‌وه‌شدا نیشانی داوه‌ شێعه‌ مه‌زهه‌به‌کان به‌ دوژمنی سه‌ره‌کی خۆی ده‌زانێت و حکومه‌تی ئێرانیش به‌ حکومه‌تی سه‌فه‌وی وه‌سف ده‌کات چۆنه‌ که‌ تا ئێستا نه‌یتوانیوه‌ یان نه‌ی ویستوه‌ هێرشی تێرۆریستی له‌ نێوخۆی ئێران‌دا ئه‌نجام بدات؟ ئه‌مه‌ له‌ حاڵێکدایه‌ که‌ هه‌ندێک له‌ ئه‌و ئێرانیه‌ سونیانه‌، له‌ نێویان دا کورده‌کان، که‌ یان خولیای ده‌وڵه‌تی ئێسلامیان هه‌یه‌ و یان نه‌یانتوانیوه‌ به‌ هۆی کێشه‌ی ئابووری یا تاکه‌که‌سی له‌ ئه‌و کۆمه‌ڵگای که‌ تێیدا ده‌ژین پێگه‌ و جێگه‌یه‌ک بۆ خۆیان بدۆزنه‌وه‌، ڕوویان کردۆته‌ داعش و له‌ ڕێزه‌کانی ئه‌ودا چالاکی ئه‌نجام ده‌ده‌ن.

ئێستا پرسیار ئه‌وه‌یه‌ که‌ چه‌ند ئه‌گه‌ری ئه‌وه‌ هه‌یه‌ ئێران ببێته‌ ئامانجی هێرشی تێرۆریستی داعش و چه‌ند ئاماده‌یه‌ به‌ره‌نگاری هێرشێکی ئاوابکات.

له‌ پرۆگرامی "ڕۆانگه‌"ی ئه‌م حه‌وتووه‌دا ئه‌م پرسیارانه‌مان له‌ گه‌ڵ به‌ڕێزان دوکتور خالید خه‌یاتی، مامۆستای زانکۆی لینشۆپینگ له‌ ستۆکهۆلم و کاک کاوه‌ جه‌م، به‌ڕێوه‌به‌ری نووسین له‌ حه‌وته‌نامه‌ی "وشه‌" له‌ هه‌ولێر، تاوتۆ کردووه‌.

XS
SM
MD
LG