Accessibility links

خۆپـیشـاندان له‌ شـاری کوتی عێراق سـازده‌کرێت و 3 که‌س ده‌کوژرێن

  • VOA News

خۆپـیشـاندان له‌ شـاری کوتی عێراق سـازده‌کرێت و 3 که‌س ده‌کوژرێن

خۆپـیشـاندان له‌ شـاری کوتی عێراق سـازده‌کرێت و 3 که‌س ده‌کوژرێن

له‌ شـاری کوتی ڕۆژهه‌ڵاتی عێراق به‌ سه‌دان هاوڵاتی عێراقی هه‌ڵیان کوتایه‌ سه‌ر باره‌گاکانی پارێزگای ئه‌و شـاره‌ وه‌ک خۆپـیشـاندانێـک له‌ دژی ئاسـتی نزمی خزمه‌تگوزاریـیه‌ گشـتیه‌کان، ئه‌و کاره‌ی که‌ بووه‌ به‌ مایه‌ی شه‌ڕ و پـێـکدادان له‌گه‌ڵ هێزه‌کانی ئاسایشدا و له‌ ئاکامدا به‌ لای که‌م 3 که‌س کوژران.

ئه‌مڕۆ پـتر له‌ 2 هه‌زار که‌س به‌شـداریان له‌ خۆپـیشـاندانه‌کاندا کرد و داوای لابردنی به‌رپـرسه‌ گه‌نده‌ڵه‌کانی پارێزگای واستیان کرد که‌ شـاری کوت ناوه‌ندێتی.

هه‌ندێـک خۆپـیشـانده‌ر بردیان هاویشـتبوو و ئاگریشـیان به‌ردابووه‌ ده‌ره‌وه‌ی نووسینگه‌کانی پارێزگای ئه‌و شـاره‌ و هه‌ندێـکی تریش چووبوونه‌ ناو باره‌گاکانه‌وه‌.

ده‌سه‌ڵاتداران ده‌ڵێن هێزه‌کانی ئاسایشی ئه‌و شـاره‌ ته‌قه‌یان له‌ خۆپـیشـانده‌ران کردبوو و له‌ ئاکامدا به‌ لای که‌م 3 که‌س کوژراون و نزیکه‌ی 30 که‌سی تر برینداربوون.

شایانی باسه‌ له‌م ڕۆژانه‌ی دواییدا خه‌ڵـکانی عێراق له‌ چه‌ند شـارێـکی عێراقدا خۆپـیشـاندانی بچووکیان ئه‌نجام دابوو و تیایدا داوای باشـکردنی وزه‌ی کاره‌با و باشـکردنی ڕه‌وشی خزمه‌تگوازیـیه‌کانی گشـتی تریان کردبوو.

ئه‌م خۆپـیشـاندانه‌ هاوکاتی خۆپـیشـاندانه‌کانی دژ به‌ حکومه‌تن له‌ چه‌ندین وڵاتی عه‌ره‌بی تردا وه‌ک ڕاپه‌ڕینه‌کانی ئه‌م هه‌فتانه‌ی دوایی میسر و تونس که‌ بوون به‌ مایه‌ی لاچوونی سه‌رکرده‌ سـته‌مکاره‌کانی ئه‌و وڵاتانه‌ له‌سه‌ر ده‌سه‌ڵات.

XS
SM
MD
LG