Accessibility links

له‌ هێرشێـکدا له‌ پارێزگای دیاله‌ 4 چه‌کداری هێزه‌کانی سه‌حوه‌ ده‌کوژرێن

  • VOA News

به‌رپرسانی ئاسایشی عێراقی ده‌ڵێن له‌ ئاکامی هێرشی کۆمه‌ڵێک چه‌کدار بۆ سه‌ر بازگه‌یه‌کی ئاسایش له‌ پارێزگای دیاله‌ی خۆر‌هه‌ڵاتی عێراق 4 جه‌نگاوه‌ری دژ به تۆڕی قاعیده‌ کوژراون.
له‌و باره‌یه‌وه‌ به‌رپرسانی پۆلیس له‌ دیاله‌ ده‌ڵێن له‌ ده‌مـێـکی زووی ئه‌مڕۆدا هێرشبه‌ره‌کان ده‌ست‌درێژیان له‌ ئه‌ندامانی گروپی ڕابوون کردووه‌، ئه‌وانه‌ی ئه‌رکی پاسه‌وانیکردنیان له‌ خاڵێکی پشکنین له‌ نزیک شارۆچکه‌ی به‌عقوبه‌‌ به‌جێ‌ده‌گه‌یان. شارۆچکه‌یه‌ به‌عقوبه‌ نزیکه‌ی 60 کیلۆمه‌تر له‌ باکوری خۆرهه‌ڵاتی به‌غدای پایته‌خته‌وه‌ دوره‌.
هه‌ر سه‌باره‌ت به‌ هێرشه‌که‌ی ئه‌مڕۆ، کارمه‌ندانێكی نه‌خۆشخانه‌یه‌ک‌ گوتی 5 که‌سی دیکه‌ی کۆمه‌ڵی ڕابوون له‌ هێرشه‌کدا برینداربوون.
شایانی باسه‌ گروپی ڕابوون واته‌ (سه‌حوه‌)، بریتین له‌و عه‌ره‌به‌ سووننه‌ ئاینزایانه‌ن که‌ چوونه‌ته‌ پاڵ هێزه‌کانی ئه‌مه‌ریکای بۆ شه‌ڕکردن له‌ دژی ئه‌ندامانی تۆڕی قاعیده‌ له‌و ده‌مه‌ی یاخیبووان له‌ عێراقدا له‌وپه‌ڕیدا بوون.
هه‌روه‌ها ئه‌م مانگه‌ خوێناویترین مانگی ئه‌مسـاڵ بوو له‌ عێراق که‌ تیایدا پـتر له‌ 200 هاوڵاتی له‌ میانه‌ی هێرش و ته‌قینه‌وه‌ خۆکوژیه‌کاندا گیانیان له‌ ده‌ست دا.
XS
SM
MD
LG