Accessibility links

توندوتیژیه‌کانی عێراق

  • VOA News

هێزه‌کانی ئاسایش له‌ شـاری که‌ربه‌لا ئه‌و که‌سـانه‌ ده‌پـشـکنن که‌ به‌ره‌و مه‌زاره‌ پـیرۆزه‌کان ده‌ڕۆن، دووشه‌ممه‌ 24 ی یه‌کی 2011

هێزه‌کانی ئاسایش له‌ شـاری که‌ربه‌لا ئه‌و که‌سـانه‌ ده‌پـشـکنن که‌ به‌ره‌و مه‌زاره‌ پـیرۆزه‌کان ده‌ڕۆن، دووشه‌ممه‌ 24 ی یه‌کی 2011

کاربه‌ده‌ستانی عێراقی ده‌ڵێن له‌ ئاکامی ته‌قینه‌وه‌ی دوو ئۆتۆمبێل له‌ ده‌و‌روبه‌ر‌ی شاری که‌ربه‌لای پیرۆزی شیعه‌کان له‌ باشوری عێراق ، به‌لانی که‌م دوازده‌ که‌س کوژراون و ده‌یان ‌که‌سی تریش بریندار بوون، له‌م هێرشه‌ی تری کراوه‌ته‌ سه‌ر خاوه‌ن بڕوایانی شیعه‌ که‌ بۆ مه‌راسیمێکی ئاینزایی گردبوونه‌ته‌وه‌.

ده‌سه‌ڵاتداران ده‌ڵێن یه‌کێک له‌ ئۆتۆمبیله‌کان له‌ شوێنێکی وه‌ستانی پاس و ئۆتۆبیسدا بووه‌ له‌ ڕۆژهه‌ڵاتی شاری که‌ربه‌لا ، پاش چه‌ند کاژمێرێکیش ماشێنی دووه‌م له‌ باشوری شاره‌که‌دا ته‌قیوه‌ته‌وه‌.

سه‌دان هه‌زار که‌س ڕووه‌و که‌ربه‌لا ده‌چن بۆ به‌شداریکردن له‌ مه‌ڕاسیمه‌کانی چله‌ی شیعه‌کاندا که‌ کۆتایی به‌ چل ڕۆژی پرسه‌گێڕان ده‌هێنرێت بۆ ئیمام حوسه‌ین.

له‌م ماوه‌یه‌ی چله‌دا ، هات و چۆی ئۆتۆمبیل له‌ که‌ربه‌لا قه‌ده‌غه‌یه‌ و خه‌ڵک له‌ ده‌ره‌وه‌ی شاره‌که‌ داده‌به‌زن و به‌ پێ هات و چۆ ده‌که‌ن. مه‌ڕاسیمی چله‌ سبه‌ی سێشه‌ممه‌ کۆتایی دێت.

ته‌قینه‌وه‌کانی ئه‌مڕۆ دووشه‌ممه‌ پاش دوو هێرشه‌ خۆکوژیه‌که‌ی هه‌فته‌ی ڕابردوو بووه‌ هه‌ر له‌ شاری که‌ربه‌لا که‌ به‌لانی که‌م په‌نجا که‌سی تیادا کوژران.

بابه‌تی په‌یوه‌ندیدار

XS
SM
MD
LG