Accessibility links

سه‌ربازێـکی ئه‌مه‌ریکایی له‌ عێراق ده‌کوژرێت

  • VOA News

سه‌ربازێـکی ئه‌مه‌ریکایی له‌ عێراق ده‌کوژرێت

سه‌ربازێـکی ئه‌مه‌ریکایی له‌ عێراق ده‌کوژرێت

له‌شـکری ئه‌مه‌ریکا ده‌ڵێت یه‌ک له‌ سه‌ربازه‌کانی له‌ باشوری عێراق کوژراوه‌.

ڕۆژی پـێـنجشه‌ممه‌ له‌ ڕاگه‌یاندنێـکدا له‌شکری ئه‌مه‌ریکا گوتی سه‌ربازه‌که‌ له‌ میانه‌ی ئۆپه‌راسیۆنێـکدا ڕۆژی چوراشه‌ممه‌ کوژاروه‌، به‌ڵام باسی له‌وه‌ نه‌کرد چۆن و له‌ کوێ‌.

له‌ لایه‌کی دیکه‌وه‌ کاربه‌ده‌سـتانی عێراق ده‌ڵێن کۆمه‌ڵێـک چه‌کدار په‌لاماری خاڵێـکی پـشـکنینیان داوه‌ له‌ باکوری به‌غدا و یه‌ک له‌ کارمه‌ندانی ئاسایشیـیان کوشـتووه‌.

ئه‌م هێرشه‌ی ڕۆژی پـێـنجشه‌ممه‌ ڕۆژێـک پاش ئه‌وه‌ دێت که‌ ئۆتۆمبیلێـکی بۆمبڕێژکراوه‌ له‌ هه‌مان ناوچه‌دا ته‌قیه‌وه‌ و بووه‌ مایه‌ی کوژرانی به‌ لایه‌نی که‌م 2 که‌س و برینداربوونی 17 که‌سی دیکه‌. کاربه‌ده‌سـتان گوتیان ته‌قینه‌وه‌که‌ له‌ به‌رده‌م چێشـتخانه‌یه‌کدا له‌ تاجی ڕوویداوه‌ و ئامانجی هێزێـکی گه‌ڕۆکی له‌شـکری عێراق بووه‌. هیچ سه‌ربازێـک له‌ نێو ئه‌وه‌نه‌دا نه‌بووه‌ که‌ به‌رکه‌وتوون.

XS
SM
MD
LG