Accessibility links

له‌ ته‌قینه‌وه‌یه‌کی خۆکوژی له‌ شـاری تکریت 50 که‌س ده‌کوژرێن

  • VOA News

خه‌ڵـکی هاوکاری ده‌که‌ن له‌ گواسـتنه‌وه‌ی قوربانیـیه‌کان بۆ نه‌خۆشـخانه‌، سێشه‌ممه‌ 18 ی یه‌کی 2011

خه‌ڵـکی هاوکاری ده‌که‌ن له‌ گواسـتنه‌وه‌ی قوربانیـیه‌کان بۆ نه‌خۆشـخانه‌، سێشه‌ممه‌ 18 ی یه‌کی 2011

کاربه‌ده‌سـتانی عێراق ده‌ڵێن ڕۆژی سێشه‌ممه‌ له‌ شـاری تکریت خۆکوژێـک خۆی له‌ به‌رده‌م بنکه‌یه‌کی پـۆلیسـدا ته‌قاندۆته‌وه‌ که‌ له‌وێ کۆمه‌ڵێـک گه‌نج ڕیزیان به‌سـتبوو به‌ مه‌به‌ستی خۆتۆمارکردن بۆ خزمه‌تی پـۆلیسی. له‌ ئاکامدا 50 که‌س کوژران و به‌ لانی که‌م 150 که‌سی دیکه‌ برینداربوون.

پـۆلیسی ناوچه‌که‌ ده‌ڵێن له‌ ده‌می ته‌قینه‌وه‌که‌دا به‌ لانی که‌م 100 که‌س بۆ خۆتۆمارکردن له‌ به‌رده‌می بنکه‌که‌دا کۆبووبوونه‌وه‌.

پاش هێرشه‌که‌ له‌ بڵندگۆی مزگه‌وته‌کانه‌وه‌ داوا له‌ خه‌ڵـکی کرا خوێن بۆ قوربانیـیه‌کان بـبه‌خشن.

جێی ئاماژه‌ پـێـکردنه‌ له‌م دوایـیانه‌دا چه‌ندین هێرشی خۆکوژی له‌ سه‌رانسه‌ری وڵاته‌که‌ ڕوویانداوه‌.

هه‌ر ڕۆژی دووشه‌ممه‌ خۆکوژێـک خۆی به‌ کاروانی ماشێنه‌کانی پارێزگاری ئه‌نبار ته‌قانده‌وه‌‌ و له‌ ئاکامدا 6 که‌س برینداربوون، به‌ڵام پارێزگاره‌که‌ به‌ سه‌لامه‌تی ڕزگاری بوو.

بۆ زانیاری زیاتر ده‌رباره‌ی هێرشه خۆکوژیه‌که‌ی تکریت، په‌یامنێری ده‌نگی ئه‌مه‌ریکا ئه‌میر گۆران راپۆرتێکی ئاماده‌ کردوه‌؛ بۆ بیستنی، فایلی ده‌نگی سه‌ره‌وه‌‌ی ده‌سته چه‌پ کلیک بکه.

XS
SM
MD
LG