Accessibility links

ئه‌مه‌ریکا ڕاده‌گه‌یه‌نێت میلیتانه‌کانی سه‌ر به‌ ئێران هه‌ڕه‌شه‌ن بۆ سه‌ر هێزه‌کانی له‌ عێراق

  • VOA News

سه‌رکرده‌ی له‌شکری وڵاته‌ یه‌کگرتووه‌کان له‌ عێراق ده‌ڵێت ڕێوشوێنی ئاسایشی له‌ بنکه‌کانی وڵاته‌ یه‌کگرتووه‌کان توندکراوه‌ له‌به‌ر ئه‌وه‌ی یاخیبووانی که‌ ئێران پشتوانییان ده‌کات ڕاهێنانی تایبه‌تییان له‌ ناو ئێران پێ کراوه‌ بۆ په‌لاماردانی هێزه‌کانی وڵاته‌ یه‌کگرتووه‌کان له‌ ناو عێراق.

ئیمرۆ سێشه‌ممه‌ جه‌نه‌رال ڕه‌ی ئۆديێرنۆ گوتی "هه‌ره‌شه‌ی په‌ره‌سه‌ندوو" هه‌یه‌ بۆ ئه‌نجامدانی په‌لامارێك بۆ سه‌ر هێزه‌کانی وڵاته‌ یه‌کگرتووه‌کان له‌ لایه‌ن که‌تائیبی حزبولڵاوه‌، که‌ کۆمه‌ڵێکی شیعه‌یه‌ که‌وا کاربه‌ده‌ستا‌نی وڵاته یه‌کگرتووه‌کان ده‌ڵێن ڕاهێنان و یارمه‌تی دراوییان له‌ لایه‌ن سوپای پاسدارانی ئێرانه‌وه‌ بۆ دابه‌ین کراوه‌.

جه‌نه‌ڕاڵ ئۆدیێرنۆ له‌ به‌غداد به‌ په‌یامنێرانی گوت "ئه‌مه‌ هه‌وڵێکی دیکه‌یه‌ له‌ لایه‌ن ئێران و لایه‌نانی تره‌وه‌ بۆ کارتێکردنه سه‌ر ڕۆڵی وڵاته‌ یه‌کگرتووه‌کان له ناو‌ عێراقدا."

گوتی بۆ وڵامدانه‌وه‌ی ئه‌و هه‌ڕه‌شه‌یه‌، باری ئاسایشی له‌ بنکه‌کانی وڵاته‌ یه‌کگرتووه‌کان له‌ سه‌رانسه‌ری عێراق بته‌وکراوه‌ هه‌روه‌ها له‌شکری وڵاته‌ یه‌کگرتووه‌کان له‌گه‌ڵ هێزه‌ ئاسایشیه‌کانی عێراقی په‌ره‌یان به‌ کرداره‌ هاوبه‌شیه‌کانیان داوه‌. ‌

XS
SM
MD
LG