Accessibility links

وته‌بێژی حه‌شدی شه‌عبی: ناچینه‌ ناو ته‌له‌عفه‌ره‌وه‌

  • یه‌حیا به‌رزنجی

هێزه‌کانی حه‌شدی شه‌عبی دووای کۆنترۆڵ کردنی فڕۆکه‌خانه‌ی ته‌له‌عفه‌ر، هه‌وڵه‌کانیان چڕکردووه‌ته‌وه‌ بۆ گه‌مارۆدان و ته‌وق کردنی شارۆچکه‌که‌، واش راده‌گه‌یه‌نن که‌ به‌ره‌و کۆتایی ده‌چێت.

له‌و باره‌یه‌وه‌ که‌ریم نوری وه‌ک وته‌بێژی حه‌شدی شه‌عبی له‌ عێڕاق باس له‌وه‌ ده‌کات ئامانجیان بڕینی ڕێگای موسڵ ره‌قه‌یه‌ له‌ داعشه‌کان. ده‌شڵێت "هێزه‌کانمان داعشیان تۆقاندووه‌، له‌هه‌رکوێ روبه‌ڕوومان ببنه‌وه‌، ده‌به‌زن."

هه‌روه‌ها باس له‌وه‌ش ده‌کات که‌ ده‌یانه‌وێ سه‌ره‌ڕای گرتنی رێگه‌ی هه‌ڵهاتنی داعش، ده‌یانه‌وێ ته‌له‌عفه‌ریش له‌ موسڵ داببڕن، ئه‌وسا سوپا یان خه‌ڵکی ناوچه‌که‌ ده‌چنه‌ ناو شاره‌که‌، ده‌شڵێت "ئه‌گه‌ر پێویست بکات ده‌چینه‌ شاره‌که‌شه‌وه‌، هه‌رچه‌نده‌ ئێمه‌ نامانه‌وێ بچینه‌ ناو ته‌له‌عفه‌ره‌وه‌."

سه‌رۆکی تورکیا ره‌جه‌ب ته‌یب ئه‌ردۆغان له‌ باره‌ی ته‌له‌عفه‌ره‌وه‌ وه‌کو شارێکی تورکمان نشێن رایگه‌یاندووه‌ که‌ رازی نابن حه‌شدی شه‌عبی بچنه‌ ته‌له‌عفه‌ره‌وه‌، ئه‌و به‌رپرسه‌ ده‌ڵێت "ئه‌ردوغانی داگیرکه‌ر بۆی نییه‌ لێدوانی وا بدات و ئێمه‌ ته‌نها به‌ گوێی فه‌رمانده‌ی هێزه‌ چه‌کداره‌کانی عێڕاق ده‌ده‌ن نه‌وه‌کو ئه‌ردۆغان."

XS
SM
MD
LG