Accessibility links

عێراق پەخشی ئیزگەیەکی تایبەتی بۆ شاری موسڵ دەسـتپـێکردووە


تەلەفیزیۆنی فەرمی عێراق دەڵێت ئەمڕۆ سێشەممە دەسـتکراوە بە پەخشێـکی ڕادیۆیی بۆ یارمەتیدانی دانیشتـوانی موسڵ تاوەکو پارێزراوبن لە میانەی هێرشی لەشکری بۆ ڕزگارکردنی شارەکەیان لە داعش.

ئەرکی سەرەکی ئەم ئیزگەیە ڕێنمایـیکردنی خەڵکی دەبێت کە بە چ ڕێگایەک و چۆن بە سەلامەتی شارەکە چۆڵ بکەن. هەورەها چەند ژمارەیەکی تەلەفون بڵاودەکاتەوە تاوەکو بۆ کاری بە پەلە پەیوەندیـیان پـێوەبکرێت.

ڕادیۆی کۆماری عێراق لە موسڵ، لە شارۆچکەی قەیارەی باشوری شاری موسڵ دامەزرێنراوە کە لەوێ بنکەیەکی ئاسمانی لێـیە و دەکرێتە ناوەندی هێزەکانی هاوپەیمانانی ئەمەریکا ڕێبەرایەتیان دەکات بۆ پشـتیوانیکردنی هێزەکانی عێراق.

بەپـێی فەرماندە لەشکریـیەکانی عێراق، حەیدەر عەبادی سەرۆک وەزیری وڵاتەکە خوازیارە لە ئەمساڵدا شاری موسڵ ڕزگاربکرێت و ڕەنگە هەر لەم مانگەدا هێرشەکە دەسـتپـێبکات.

لەگەڵ ئامادەکاریـیەکان بۆ هێرشە لەشکریـیەکە، بەرنامە بۆ یارمەتیـیە مرۆیـیەکان دادەنرێت. نەتەوە یەکگرتووەکان مەزەندە دەکات یەک ملیۆن کەس چۆڵ بکەن.

موسڵ شارێـکی گەورەی عێراقە و بەر لە شەڕەکە ژمارەی دانیشتوانی 2 ملیۆن کەس دەبوو.

XS
SM
MD
LG