Accessibility links

توندوتیژیه‌کانی عێراق

  • VOA News

توندوتیژیه‌کانی عێراق

توندوتیژیه‌کانی عێراق

کاربه‌ده‌ستانی عێراقی ده‌ڵێن هێرشبه‌رێکی خۆکوژ هێرشی کردۆته‌ سه‌ر ئۆفیسێکی هێزی پۆلیس بۆ کۆکردنه‌وه‌ی زانیاری له‌ باکوری ڕۆژهه‌ڵاتی به‌غدا و له‌و ڕوداوه‌دا یه‌ک که‌س کوژراوه‌ و به‌لانی که‌م 28 که‌سیش بریندارن.

کاربه‌ده‌ستان ده‌ڵێن هێرشبه‌ره‌که‌ به‌ ئۆتۆمبێله‌که‌یه‌وه‌ ئه‌مڕۆ دووشه‌ممه‌ له‌ شاری باقوبه‌ خۆی ته‌قاندۆته‌وه‌ و ده‌شڵێن گۆمه‌ڵێـک کیژ که‌ له‌ خوێندنگایه‌کی نزیک شوێنی ته‌قینه‌وه‌که‌دا بوون له‌ نێو برینداره‌کاندان.

ڕۆژی یه‌کشه‌ممه‌ش به‌ هۆی توندوتیژیه‌کانه‌وه‌ ، له‌ ته‌واوی عێراقدا هه‌شت که‌س کوژراون ، له‌وانه‌ دووانیان سه‌ربازی ئه‌مریکایی بوون.

له‌شکری ئه‌مریکا ده‌ڵێت ئه‌و دوو سه‌ربازه‌ ، له‌ دره‌نگانێکی ڕۆژی یه‌کشه‌ممه‌دا له‌ ناوه‌ڕاستی عێراق کوژراون ، به‌ڵام هیچ زانیاریه‌کی زیاتری نه‌دا سه‌باره‌ت به‌ کوژرانه‌کانیان.

له‌ به‌غدا، سه‌رچاوه‌یه‌کی وه‌زاره‌تی ناوخۆ گوتویه‌تی، ژماره‌یه‌ک چه‌کدار ، سێ ئه‌فسه‌ری پۆلیسیان کوشتووه‌ و هه‌روه‌هاش کاربه‌ده‌ستێکی له‌شکریشیان کوشتووه‌.

پۆلیس له‌ شارۆچکه‌ی فه‌لوجه‌ ده‌ڵێت ، چه‌کداره‌کان هێرشیان کردۆته‌ سه‌ر بنکه‌یه‌کی پشکنینی پۆلیس و ئه‌فسه‌رێکی پۆلیسیان کوشتوه‌ و و به‌لانی که‌م سیانی تریشیان بریندار کردووه‌.

له‌ شارۆچکه‌ی به‌له‌د ، که‌ نزیکه‌ی 70 کیلۆمه‌تر له‌ باکوری به‌غدایه ، وه‌ک پۆلیس ده‌ڵێت هێرشبه‌ران به‌ بۆمب په‌لاماری ماڵی کاربه‌ده‌ستێکی ده‌سه‌ڵاتی دادوه‌ری خۆجێییان داوه‌. کاربه‌ده‌ستان ده‌ڵێن له‌و هێرشه‌ی کراوه‌ته‌ سه‌ر ماڵی حه‌ردان خه‌لیفه‌ ، که‌سێک کوژراوه‌ و هه‌شت که‌سی تریش بریندارن.

بابه‌تی په‌یوه‌ندیدار

XS
SM
MD
LG