Accessibility links

عێراق و ڕاگه‌یاندنی حکومه‌تی نوێ

  • VOA News

نوری ئه‌لمالیکی سه‌ره‌ک وه‌زیری عێراق، ئه‌رشیفی وێنه‌

نوری ئه‌لمالیکی سه‌ره‌ک وه‌زیری عێراق، ئه‌رشیفی وێنه‌

وا چاوه‌ڕوان ده‌کرێت ئه‌مڕۆ دووشه‌ممه‌، نوری ئه‌لمالیکی سه‌ره‌ک وه‌زیری عێراق ، هه‌ندێک له‌ ئه‌ندامانی کابینه‌ نوێیه‌که‌ی ڕابگه‌یه‌نێت ، هاوکاتی ئه‌وه‌ی ناکۆکیه‌کان له‌سه‌ر چۆنیه‌تی دابه‌شکردنی پۆسته‌کان ، مه‌ترسی لێهاتۆته‌ ئاراوه‌ که‌ قه‌یرانی نۆ مانگه‌ی سیاسی وڵاته‌که‌ به‌رده‌وام بێت.

عه‌لی ئه‌لده‌باغ ، ده‌مڕاستی حکومه‌تی عێراق ئه‌مڕۆ دووشه‌ممه‌ گوتویه‌تی ، ڕاگه‌یاندنی کابینه‌ی نوێی حکومه‌تی وڵاته‌که ‌، که‌ ده‌مێکه‌ چاوه‌ڕوان ده‌کرێت ، به‌پێی به‌رنامه‌ی خۆی ده‌ڕوات به‌ڕێوه.

ئه‌م لێدوانه‌ی ئه‌لده‌باغ دوابه‌دوای ڕاگه‌یاندنه‌کانی هه‌ندێک له‌ کاربه‌ده‌ستانی تری حکومه‌ت دێت که‌ گوتبویان ئه‌و مشت و مڕ و ناکۆکیانه‌ی له‌سه‌ر دابه‌ش کردنی پۆسته‌کان هه‌ن ، ده‌بنه‌ مایه‌ی ناچاریی بۆ دواخستنی ڕاگه‌یاندنی کابینه‌ی نوێ.

له‌ مانگی ڕابردوودا ، جه‌لال تاڵه‌بانی سه‌رۆکی عێراق داوای له‌ مالیکی کرد تا حکومه‌تی نوێ پێکبهێنێت وه‌ک به‌شێک له‌و سه‌ودایه‌ی بۆ کۆتایی هێنان به‌ قه‌یرانی سیاسی وڵاته‌که‌ هه‌بوو.

ئه‌گه‌ری ڕاگه‌یاندنه‌که‌ی ئه‌مڕۆ دووشه‌ممه ،‌ یه‌ک ڕۆژ پاش لێدوانه‌که‌ی دکتۆر ئه‌یاد عه‌لاوی ، سه‌ره‌ک وه‌زیری پێشوی عێراق هات که‌ گوتبووی به‌شداری ده‌کات له‌ حکومه‌ته‌ هاوپه‌یمانێتیه‌که‌ی مالیکیدا. ‌

بابه‌تی په‌یوه‌ندیدار

XS
SM
MD
LG