Accessibility links

عێراق: هێزەکانی لەشکر و حەشدی شەعبی هێرشێـکیان دەسـتپـێکردووە بۆ ڕزگارکردنی بێجی

  • VOA News

گوتەبێژێـکی لەشکری عێراق دەڵێت سەرباز و چەکدارانی حەشدی شەعبی ئەمڕۆ چوارشەممە دەسـتیان بە هەڵمەتێـک کردووە بۆ ڕزگارکردنەوەی شاری بێجی لە دەسـتی چەکدارانی داعش.

محەمەد ئەلئەسەدی بۆ ئاژانسی دەنگ‌وباسی ڕۆیتەرزی ڕاگەیاند چەکدارەکانی حەشد و سەربازەکان هێرشەکەیان لە دیوی باشورەوە دەسـتپـێـکردووە و توانیویانە بەرەو ناوەندی شارەکە پـێشڕەوی بکەن. گوتیشی فڕۆکە جەنگیـیەکانی عێراق و هەروەها هی ئەمەریکاش پاڵپشـتی هێزەکان دەکەن.

شاری بێجی لە پاڵ گەورەترین پاڵاوگەی نەوتی وڵاتەکەیە و تەنها 150 کیلۆمەتر لە شاری موسڵەوە دورە. پـێشـتر چەندان جار داعش داگیری کرد و هێزە عێراقیـیەکان لە پاش شەڕی قورس ڕزگاریان کردووەتەوە.

مانگی حەوت ئەفسەرێـکی لەشکری لە فەرماندەیەتی ناوچەکە بۆ ڕۆیتەرزی ئاشکراکرد بەهۆی داگیرکردنی داعش و شەڕەکان زیانێـکی گەورە بە پاڵاوگەکە گەیشـتووە و ناتوانرێت چاکبکرێتەوە.

XS
SM
MD
LG