Accessibility links

خۆکوژێـک خۆی لە نێو چادرێکی ڕێوڕەسمی عاشورا لە بەغدا دەتەقێنێتەوە و لە ئاکامدا 7 کەس دەکوژرێن

  • VOA News

بەرپرسێکی پۆلیسی عێراق دەڵێت هێرشبەرێکی خۆکوژ کە پشتێنێکی پڕ تەقەمەنی لەخۆ بەستبوو ڕۆژی دووشەممە لە بەغدای پایتەخت خۆی لە نێو چادرێکدا تەقاندووەتەوە، کە لە نێویدا قاوە و ئاو پێشکەش بە ئامادەبووانی شیعە ئاینزا دەکرا، ئەوانەی ئامادەی رێوڕەسمی عاشورا ببوون. لە ئاکامدا 7 کەس بەلای کەم گیانیان لەدەست داوە.

هێرشەکە لە گەڕەکی شەعبی خۆرهەڵاتی پایتەخت ئەنجام درابوو. بەرپرسانی پۆلیسی بەغدا دەڵێن بەلای کەم 2 پۆلیس لە نێو کوژراواندان و هەروەها 19 کەسیش برینداربوون.

جێی ئاماژەیە لەو دەمەوەی ڕێوڕەسمی موحەرەم لەم مانگەدا دەستی پێکردووە، داعش لە عێراق بەرپرسیارێتی خۆی لە ئەنجامدانی ژمارەیەک هێرش ڕاگەیاندووە کە کرابوونە سەر ڕێوڕەسمەکانی عاشورا.

XS
SM
MD
LG