Accessibility links

کاربەدەسـتانی عێراق کەناڵی جەزیرە لە وڵاتەکەیان دادەخەن

  • VOA News

دەسەڵاتدارانی عێراق مۆڵەتی کارکردنیان لە کەناڵی تەلەفیزیۆنی ئەلجەزیرە سەندەوە و بڕیاریان داوە ئۆفیسەکەی لە بەغدا بۆ ماوەی یەک سـاڵ دابخەن.

بڕیارەکە لە ڕۆژی چوارشەممەوە دەرچووە و دەڵێت کەناڵی جەزیرە بەردەوام بووە لە پـێشێلکردنی ڕێساکانی سـاڵی 2014 ی پەیوەست بە ڕوماڵکردنی هەواڵەکانی شەڕی دژە تێرۆر.

کاربەدەسـتانی عێراق دەڵێن کەناڵی جەزیرە بە شێوەیەک ڕوماڵی هەواڵەکان دەکات کە تیایاندا دژایەتی شیعە دەکات و زۆر بە لای داعش دایدەشکێنێتەوە.

بەڕێوەبەرایەتی کەناڵی جەزیرە لە قەتەر سەرسامی خۆی لەم بڕیارەی عێراق ڕاگەیاند و لێدوانی کاربەدەسـتانی عێراقی لەم بارەیەوە ڕەتکردەوە، دەڵێت بە شێوەیەکی پـرۆفیشناڵانە کاری کردووە. هیواشیان خواست حکومەتی عێراق لەم بڕیارەی پاشگەز ببێتەوە و لە زوترین کات ئۆفیسەکەیان لە بەغدا جارێکی دیکە بکەنەوە.

جێی ئاماژەیە ئەمە جاری سێـیەمە حکومەتی عێراق ئۆفیسی کەناڵی جەزیرە لە وڵاتەکەی دابخات.

XS
SM
MD
LG