Accessibility links

له‌ ئاکامی ته‌قینه‌وه‌یه‌کی خۆکوژی له‌ عێراق 20 که‌س ده‌کوژرێن

  • VOA News

له‌ ئاکامی ته‌قینه‌وه‌یه‌کی خۆکوژی له‌ عێراق 20 که‌س ده‌کوژرێن

له‌ ئاکامی ته‌قینه‌وه‌یه‌کی خۆکوژی له‌ عێراق 20 که‌س ده‌کوژرێن

سه‌ر له‌ به‌یانی ئه‌مڕۆ دووشه‌ممه‌ له‌ ئاکامی خۆ ته‌قاندنه‌وه‌ی که‌سێـکی خۆکوژ به‌ ئۆتۆمبیلێـکی مینڕێژکراو نزیک زیندانی تاجی که‌ ده‌که‌وێته‌ باکوری به‌غدای پایته‌خت 46 کوژراو و برینداری لێـکه‌وته‌وه‌.

پـۆلیسی قه‌زای تاجی ڕایگه‌یاند هێرشه‌که‌ی ئه‌مڕۆ 20 کوژراوی لێـکه‌وتۆته‌وه‌ و 11 که‌سیان سه‌ر به‌ هێزه‌کانی ئاسایشی عێراقین و هه‌ندێـکیشـیان پاسه‌وانی زیندانه‌کانن.

هه‌روه‌ها پـۆلیسی قه‌زاکه‌ باس له‌ به‌هێزی ته‌قینه‌وه‌که‌ ده‌کات به‌هۆی به‌کارهێنانی ڕێژه‌یه‌کی زۆر له‌ چاندنی مین له‌ ئۆتۆمبیله‌که‌دا و له‌ ئاپـۆڕای قه‌ره‌باڵغیـیه‌کی زۆریشـدا که‌سه‌ خۆکوژه‌که‌ ئه‌م کرده‌وه‌یه‌ی ئه‌نجامداوه‌.

برینداره‌کانیش که‌ ژماره‌یان زیاتر له‌ 25 که‌سه‌، به‌شێـکی زۆریان له‌ مه‌ترسیدان به‌هۆی زۆری برینه‌کانی جه‌سـته‌یان.

شایانی باسه‌ هه‌ر له‌ به‌غدا و چه‌ند ناوچه‌یه‌کی جیاوازی عێراق ئه‌مڕۆ چه‌ندین بۆمبی چێنراوی سه‌ر ڕێـگا به‌ هێزه‌کانی ئاسایشی عێراقیدا ته‌قیوه‌ته‌وه‌ و له‌ ئه‌نجامدا پـۆلیسێـک و سه‌ربازێـکی عێراقی کوژراوه‌ وێڕای برینداربوونی نزیکه‌ی 6 که‌سی تریش، زیانێـکی گه‌وره‌ش به‌ ئۆتۆمبیلێـکی کاروانی هێزه‌ ئه‌منیـیه‌کانی عێراقی که‌وتووه‌.

جێـگه‌ی وه‌بیرهێنانه‌وه‌یه‌ زیادبوونی هێرشه‌کانی ئه‌م دوایـیه‌ هاوکات له‌گه‌ڵ نزیکبوونه‌وه‌ له‌ دوا مانگی کشانه‌وه‌ی هێزه‌کانی ئه‌مه‌ریکا و ڕاگواسـتنی هه‌موو به‌رپـرسیارێتیـیه‌کی ئه‌منی بۆ هێزه‌کانی سوپا و پـۆلیسی عێراقی.

ده‌توانن گوێبیسـتی ده‌قی ڕاپـۆرته‌كه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی سه‌ره‌وه‌ی ده‌سته‌ چه‌پ، ماوه‌كه‌ی 1:23 خوله‌كه‌.

XS
SM
MD
LG