Accessibility links

نوری ئه‌لمالیکی هیواداره‌ تا ناوه‌ڕاستی مانگی دوازده‌ حکومه‌تی نوێ پـێـکبهێنێت

  • VOA News

نوری ئه‌لمالیکی سه‌رۆک وه‌زیرانی عێراق، (ئه‌رشیفی وێنه‌)

نوری ئه‌لمالیکی سه‌رۆک وه‌زیرانی عێراق، (ئه‌رشیفی وێنه‌)

نوری ئه‌لمالیکی سه‌رۆک وه‌زیرانی عێراقی ده‌ڵێت به‌ هیوایه‌ هه‌تا ناوه‌ڕاستی مانگی داهاتوو حکومه‌تێـکی نوێ دابمه‌زرێنرێت.

ئه‌م گوته‌یه‌ی سه‌رۆک وه‌زیرانی عێراقی به‌ دوو ڕۆژ دوای ئه‌وه‌ دێت سه‌رۆکی وڵات به‌ڕێز جه‌لال تاڵه‌بانی به‌ فه‌رمی داوای له‌ نوری ئه‌لمالیکی کرد حکومه‌ته‌که‌ی پـێـکبهێنێت و هه‌روه‌ها ئاسـته‌نگی مه‌سه‌له‌ی هه‌ڵبژاردنی کابینه‌یه‌ک له‌ ماوه‌ی 30 ڕۆژدا یه‌کلابکاته‌وه‌.

له‌ میانه‌ی کۆنفرانسێـکی هه‌واڵی له‌ به‌غدای پایته‌خت به‌ڕێز مالیکی گوتی من دڵنیا نیم له‌وه‌ی که‌ ئایا چی ڕووده‌دات ئه‌گه‌ر کابینه‌که‌ی له‌و ماوه‌یه‌دا بۆ پـێـکهێنانی دیاریکراوه‌ ته‌واو نه‌کرێت.

ئه‌وه‌ی شایه‌نی باسه‌ له‌ ده‌می پـێش وه‌ختی ئه‌م مانگه‌دا ڕابه‌رانی سه‌ره‌کی حزبه‌ سیاسیـیه‌کانی عێراقی گه‌یشتنه‌ ڕێـکه‌وتنێـکی هاوبه‌شی حوکمڕانی وڵات، ئه‌وه‌ی کۆتایی به‌ هه‌شت مانگ له‌ قه‌یرانی بنبه‌سـتی سیاسی له‌و وڵاته‌دا هێنا له‌ ئاکامی هه‌ڵبژاردنی یه‌کلانه‌کره‌وه‌ی مانگی سێی ئه‌مسـاڵ ئه‌م کێشه‌یه‌ش هاته‌ گۆڕێ.

له‌ هه‌ڵبژاردنه‌که‌دا هاوبه‌ندی لیستی ئه‌لعێراقیـیه‌ به‌ سه‌رۆکایه‌تی ئه‌یاد عه‌لـلاوی سه‌رۆک وه‌زیرانی پـێشـووی عێراق زۆرینه‌ی کورسیـیه‌کانی به‌ده‌سـتهێنا، به‌ڵام ناوبراو نه‌یتوانی هێنده‌ی پـێویست پـشتیوانی له‌ حزبه‌کانی دیکه‌ به‌ده‌ستبهێنێت بۆ ئه‌وه‌ی هاوبه‌ندیـیه‌کی زۆرینه‌ پـێـکبهێنێت.

به‌ڵام هاوبه‌ندی سه‌رۆک وه‌زیران نوری ئه‌لمالیکی ئه‌وه‌ی پـله‌ی دووی له‌ هه‌ڵبژاردنی په‌رله‌مانی مانگی سێدا به‌ده‌ستهێنابوو دوای ئه‌وه‌ی له‌گه‌ڵ لیستی سه‌دریـیه‌کانی دژ به‌ ئه‌مه‌ریکا هاوبه‌ندی به‌ست ده‌رئه‌نجام پـشتیوانی به‌ده‌سـتهێنا و گوڕی پـێ‌دا.

بابه‌تی په‌یوه‌ندیدار

XS
SM
MD
LG