Accessibility links

له‌ ئه‌نجامی ته‌قینه‌وه‌ی دوو ئۆتۆمبیلی بۆمبڕێـژکراو له‌ به‌غدا 26 که‌س ده‌کوژرێن

  • VOA News

کاربه‌ده‌سـتانی عێراق ده‌ڵێن له‌ ئه‌نجامی ته‌قینه‌وه‌ی دوو ئۆتۆمبیلی بۆمبڕێژکراو له‌ به‌غدای پایته‌خت به‌ لایه‌نی که‌م 26 که‌س کوژراون و زیاتر له‌ 53 که‌سی دیکه‌ برینداربوون.

کاربه‌ده‌سـتانی پـۆلیسی عێراق و نه‌خۆشـخانه‌کان گوتیان هه‌ردوو ئۆتۆمبیله‌که‌ ڕۆژی یه‌کشه‌ممه‌ به‌ چه‌ند خوله‌کێـک به‌ دوای یه‌کدا ته‌قیونه‌ته‌وه‌ له‌ نزیـک ناوه‌ندی سه‌ره‌کی بانکی بازرگانی عێراق و هه‌روه‌ها ئۆفیسێـکی حکومه‌ت بۆ ده‌رکردنی کارتی ناسـنامه‌.

له‌ پـێشـهاته‌یه‌کی دیکه‌دا، هێزه‌کانی پـۆلیسی عێراق ڕۆژی شه‌ممه‌ ته‌رمی چه‌ند ژنێـکیان له‌ گه‌ڕه‌کی زه‌یونه‌ی ڕۆژهه‌ڵاتی به‌غدادا دۆزیوه‌ته‌وه‌.

ئه‌م ڕووداوانه‌ پاش ئه‌و شه‌پـۆله‌ توندوتیژیـیه‌ دێن که‌ چه‌ند ڕۆژی ڕابردوو سه‌رانسه‌ری عێراقی گرته‌وه‌ و بوونه‌ مایه‌ی کوژرانی به‌ لایه‌نی 20 که‌س.

هه‌ندێ له‌ به‌رپرسـان مه‌ترسی ئه‌وه‌یان هه‌یه‌ یاخیبووان هه‌وڵ بده‌ن ئه‌و بنبه‌سـته‌ سـیاسیـیه‌ی پاش هه‌ڵبژاردنه‌کانی مانگی سێ له‌ وڵاته‌که‌ که‌وتۆته‌وه‌، بقۆزنه‌وه‌ بۆ تێـکدانی ئه‌و باشـبوونه‌ ئاسایشـیـیه‌ی که‌ له‌و یه‌ک دوو سـاڵه‌ی دوایـیدا به‌ده‌سـت‌هاتوون.

XS
SM
MD
LG