Accessibility links

دوو ئۆتۆمبیلی بۆمبڕێژکراو له‌ به‌غدا ده‌ته‌قێنه‌وه‌ و 5 که‌س ده‌کوژرێن

  • VOA News

پاشماوه‌ی یه‌ک له‌ ئۆتۆمبیله‌کانی له‌ نزیک ده‌روازه‌یه‌کی ناوچه‌ی سه‌وزی به‌غدا ته‌قیونه‌ته‌وه‌، دووشه‌ممه‌ 18 ی چواری 2011

پاشماوه‌ی یه‌ک له‌ ئۆتۆمبیله‌کانی له‌ نزیک ده‌روازه‌یه‌کی ناوچه‌ی سه‌وزی به‌غدا ته‌قیونه‌ته‌وه‌، دووشه‌ممه‌ 18 ی چواری 2011

کاربه‌ده‌سـتانی عێراق ده‌ڵێن دوو ئۆتۆمبیلی بۆمبڕێژکراو له‌ نزیـک ده‌روازه‌یه‌کی ناوچه‌ی سه‌وزی به‌غدا ته‌قیونه‌ته‌وه‌ و له‌ ئاکامدا به‌ لایه‌نی که‌م 5 که‌س کوژراون.

کاربه‌ده‌سـتانی ئاسایشی ده‌ڵێن ئه‌م دوو ته‌قینه‌وه‌یه‌ی ڕۆژی دووشه‌ممه‌ کاتژمێر 8:30 به‌یانی ڕوویانداوه‌ له‌و ده‌مه‌ی کارمه‌ندان و کاربه‌ده‌سـتانی حکومی به‌ ئۆتۆمبیله‌کانیانه‌وه‌ له‌ چاوه‌ڕێی ئه‌وه‌دا بوون بچنه‌ ناوچه‌ی سه‌وزه‌وه‌.

هه‌روه‌ها 15 که‌سی دیکه‌ش به‌و دوو ته‌قینه‌وه‌یه‌ برینداربوون که‌ پـێنجیان سه‌ربازی عێراقین.

جێی ئاماژه‌ پـێـکردنه‌ ناوچه‌ی سه‌وز چه‌ندین باڵه‌خانه‌ی حکومه‌تی عێراقی و باڵیۆزخانه‌ی وڵاتانی تیادایه‌.

له‌ ناوچه‌یه‌کی دیکه‌ی به‌غدا، له‌ گه‌ڕه‌کی چادریه‌ی باشوری ڕۆژهه‌ڵاتی شـاره‌که‌ بۆمبێـکی لاڕێ ته‌قیوه‌ته‌وه‌ و بووه‌ته‌ مایه‌ی برینداربوونی 5 که‌س.

XS
SM
MD
LG