Accessibility links

ئایا به‌رپرسانی کۆماری ئیسلامی به نسبه‌تی سه‌رکوته‌کان له‌و وڵاته به‌رپرسیار ده‌بن؟

  • شاهێد عەلەوی

له‌ حه‌وتووی ڕابردوودا سه‌عید مورته‌زه‌وی دادوه‌ری پێشووی تاران له‌ نامه‌یه‌کی سه‌رئاوه‌ڵادا بۆ ڕێبه‌ری ئێران و بنه‌ماڵه‌ی کوژراوانی به‌ندیخانه‌ی که‌هریزه‌ک له‌ ساڵی 88ی هه‌تاوی داوای لێبوردنی کرد. مورته‌زه‌وی ده‌ڵێت ئه‌وانه‌ شه‌هیدن و کوژرانیان ده‌رئه‌نجامی ئه‌و هه‌ڵانه‌ بووه‌ که‌ به‌رپرسانی به‌ندیخانه‌ ئه‌نجامیان داوه‌.

ئه‌م نامه‌ کاردانه‌وه‌ی زۆری له‌ ئێران لێکه‌وته‌وه‌ و له‌گه‌ڵ ئه‌وه‌ی هه‌ندێک ده‌ستخۆشیان له‌ مورته‌زه‌وی کرد بۆ ئه‌وه‌ی داوای لێبوردنی کردووه‌، هه‌ندێکیش جه‌ختیان له‌ سه‌ر ئه‌وه‌ کرده‌وه‌ که‌ مورته‌زه‌وی به‌ ئه‌م شێوه‌یه‌ قه‌بووڵی کردووه‌ که‌ لانی که‌م به‌ نیسبه‌تی کوژرانی نه‌خوازراوی ئه‌و چوار کوژراوه‌ی که‌هریزه‌ک به‌رپرسیاره‌ و ده‌بێت سزا بدرێت.

ڕێفۆرمخوازه‌کان که‌ خۆیان به‌ به‌رپرسیاریه‌تی زۆرێک له‌ کرده‌وه‌ نایاساییه‌کان و کوشتاره‌کان له‌ ده‌یه‌ی شه‌ستی هه‌تاوی تاوانبارن له‌ ئه‌وانه‌ن که‌ ئێستا ڕه‌خنه‌ له‌ مورته‌زه‌وی ده‌گرن و داوا ده‌که‌ن دادگا سزای بدات.

ئێستا پرسیار ئه‌وه‌یه‌ ئه‌و نامه‌ی مورته‌زه‌وی ته‌نیا به‌ مه‌به‌ستی ڕزگاربوون له‌ دادگا نووسراوه‌ یان ئه‌و کابرایه‌ به‌ڕاستی به‌ نیسبه‌تی ئه‌وه‌ی ڕوویداوه‌ هه‌ستی به‌ به‌رپرسیاره‌تی کردووه‌؟

پرسیاری تریش ئه‌وه‌یه‌ که‌ ڕێفۆرمخوازه‌کان که‌ ڕه‌خنه‌ له‌ مورته‌زه‌وی ده‌گرن بۆچی خۆیان ئاماده‌ نین سه‌باره‌ت به‌ به‌رپرسیاره‌تییان له‌ سه‌رکوته‌کانی ده‌یه‌ی شه‌ستی هه‌تاویدا لێدوان بده‌ن و یارمه‌تی بده‌ن ڕاستیه‌کانی ئه‌و سه‌رده‌مه‌ بۆ خه‌ڵک روون بێته‌وه‌.

له‌ به‌رنامه‌ی هه‌ڵۆ واشنگتنی ئه‌م حه‌وتووه‌دا بۆ تاوتۆ کردنی ئه‌م پرسیارانه‌ میوانداری به‌ڕێزان ڕه‌حمان جه‌وانمه‌ردی، چالاکی مافه‌کانی مرۆڤ له‌ هوله‌ند، و ڕامبۆد لوتف پووری، لێکۆڵه‌ری سیاسی له‌ به‌ریتانیا ده‌که‌ین.

XS
SM
MD
LG