Accessibility links

له سێداره‌دانی به‌ندکراوانی کوردی سونی؛ ڕه‌نگدانه‌وه‌ی زاڵ بوونی سیاسه‌ت به سه‌ر یاسادا


شهرام احمدی
شهرام احمدی

‌ له سێداره‌دانی زیاده‌ له‌ 20 به‌ندکراوی کوردی سونی که‌ به‌ به‌ندکراوانی "عه‌قیده‌" له‌ ئێراندا ده‌ناسرێن له‌ ده‌مه‌و به‌یانی سێ شه‌مه‌ بوو به‌ هۆی درووستکردنی خه‌م و په‌ژاره‌یه‌کی زۆر بۆ بنه‌ماڵه‌کانیان و له‌ هه‌مان کاتدا ناڕه‌زایه‌تی زۆری له‌ تۆڕه‌ کۆمه‌ڵایه‌تیه‌کان لێکه‌وته‌وه‌.

زۆربه‌ی به‌ کارهێنه‌رانی ئه‌م تۆڕانه‌ و ئه‌وانه‌ی که‌ له‌ میدیاکان که‌وتنه‌ به‌رپرسیار ئاماژه‌یان به‌ ئه‌وه‌ ده‌دا که‌ ئه‌م له‌ سێداره‌دراوانه‌ له‌ مافی دادگایی کردنی یاسایی و که‌ڵک وه‌رگرتن له‌ پارێزه‌ر بێ به‌ری بوون و دیار نیه‌ بۆچی بریاری ئێعدام به‌ سه‌ریان دا سه‌پاوه‌.

له‌ هه‌مان کاتدا، ئه‌و پرسیاره‌ هاتۆته‌ ئاراوه‌ که‌ هۆی له‌ سێداره‌دانی به‌ کۆمه‌ڵی ئه‌م گه‌نجانه‌ چیه‌ و بۆچی کۆماری ئیسلامی ئاماده‌ نیه‌ نه‌ ژماره‌ و نه‌ ناو و نیشانی له‌ سێداره‌دراوان و نه‌ شوێنی به‌ خاک ئه‌سپاردنیان به‌ ڕوونی به‌ بنه‌ماڵه‌کانیان ڕابگه‌یه‌نێت.

له‌ گه‌ڵ ئه‌وه‌ی چالاکانی مافه‌کانی مرۆڤ جه‌خت له‌ سه‌ر نایاسایی بوونی ئه‌و کرده‌وه‌ی ئیسلامی ده‌که‌ن و له‌ سێداره‌دراوانبه‌ قوربانی زاڵبوونی سیاسه‌ت به‌ سه‌ر یاسا و ده‌ره‌نجامی تۆڵه‌ سه‌ندنه‌وه‌ی کۆماری ئیسلامی ناوده‌به‌ن، ئه‌و پرسیاره‌ش هه‌یه‌ که‌ بۆچی کۆماری ئیسلامی له‌ دۆخێکی ئاوا ناله‌باری ناوچه‌ییدا کرده‌وه‌ی ئاوا ئه‌نجام ده‌دات و یارمه‌تی به‌ توندتربوونی ئاوری شه‌ڕی شیعه‌ و سونی ده‌کا؟

له‌ به‌رنامه‌ی "هه‌لۆ واشنگتن"ی ئه‌م جاره‌دا بۆ تاوتۆکردنی ئه‌م پرسیارانه‌ میوانداری به‌ڕێزان ئارش ساڵح لێکۆڵه‌ری سیاسی و نوێنه‌ری حیزبی دێمۆکڕاتی کوردستانی ئێران له‌ ئه‌مه‌ریکا و ڕه‌حمان جه‌وانمه‌ردی، چالاکی مافه‌کانی مرۆڤ له‌ هوله‌ند ده‌که‌ین.

please wait

No media source currently available

0:00 0:30:01 0:00

XS
SM
MD
LG