Accessibility links

زانا ناوکیـیه‌که‌ی ئێران له‌ ئه‌مه‌ریکاوه‌ به‌ره‌و ئێران ده‌گه‌ڕێته‌وه‌

  • VOA News

شه‌هرام ئه‌میری له‌ میانه‌ی چاوپـێـکه‌وتنێـکدا له‌ ئۆفیسی به‌ڕێوه‌بردنی کاروباره‌کانی ئێران له‌ باڵیۆزخانه‌ی پاکسـتان له‌ واشنتن، سێشه‌ممه‌ 13 ی حه‌وتی 2010

شه‌هرام ئه‌میری له‌ میانه‌ی چاوپـێـکه‌وتنێـکدا له‌ ئۆفیسی به‌ڕێوه‌بردنی کاروباره‌کانی ئێران له‌ باڵیۆزخانه‌ی پاکسـتان له‌ واشنتن، سێشه‌ممه‌ 13 ی حه‌وتی 2010

کاربه‌ده‌سـتانی ئێرانی ده‌ڵێن ئه‌و زانا ناوکیـیه‌ی که‌ پـتر له‌ سـاڵێـک له‌مه‌وبه‌ر دیار نه‌ماوه‌ و بێ سه‌روشـوێن بوو و پاشـان له‌ ڕه‌وشێـکی ته‌م و مژاویدا له‌ وڵاته‌ یه‌کگرتووه‌کانی ئه‌مه‌ریکا سه‌ری هه‌ڵـدا، ئه‌و زانایه‌ وا به‌ره‌و ئێران به‌ڕێوه‌یه‌.

له‌و باره‌یه‌وه‌ ئاژانسی هه‌واڵه‌کانی ئیسنای ئێرانی له‌ زاری وته‌بێژێـکی وه‌زاره‌تی ده‌ره‌وه‌ی ئێرانی ده‌گێڕێته‌وه‌ که‌ ده‌ڵێت ئه‌مڕۆ شه‌هرام ئه‌میری زانای ناوکی ئێرانی به‌ ڕێـگه‌ی قه‌ته‌ر به‌ره‌و ئێران به‌ڕێـکه‌وتووه‌ و بڕیاره‌ سبه‌ی بگاته‌ تارانی پایته‌خت.

هه‌ر له‌و باره‌یه‌وه‌ دوێنێ هێله‌ری کلنتنی وه‌زیری ده‌ره‌وه‌ی وڵاته‌ یه‌کگرتووه‌کانی ئه‌مه‌ریکا ڕایگه‌یاند و گوتی زانای ناوبراوی ئێرانی به‌ خواسـتی خۆی له‌ ئه‌مه‌ریکادا بووه‌ و ئازادیشه‌ ئه‌مه‌ریکا جێبهێڵێت.

ئه‌وه‌ی شـایانی باسه‌ شه‌هرام ئه‌میری زانای فیزیک که‌ ته‌مه‌نی له‌ سیـیه‌کاندایه‌ له‌ مانگی شه‌شی سـاڵی ڕابردوودا ئێرانی جێـهێشت و به‌رپـرسـانی ئێرانی ده‌ڵێن به‌ڕێز ئه‌میری له‌و ده‌مه‌ی بۆ ڕێـوڕه‌سمی عه‌مره‌ سه‌ردانی عه‌ره‌بسـتانی سعودی کردبوو ڕاده‌ستی پـیاوانی ده‌زگای CIA ئه‌مه‌ریکایی کرابوو.

هاوکات وڵاته‌ یه‌کگرتووه‌کانی ئه‌مه‌ریکا نکوڵی له‌ ڕفاندنی شه‌هرام ئه‌میری کردووه‌.

XS
SM
MD
LG