Accessibility links

ئێران مه‌ڕاسیمی تایبه‌ت بۆ‌ سـاڵیادی که‌وتنی فڕۆکه‌یه‌کی سـازده‌کات

  • VOA News

ژماره‌یه‌ک له‌ که‌سوکاری قوربانیانی فڕۆکه‌که‌ به‌ گوڵه‌وه‌ چوونه‌ته‌ شـوێنی که‌وتنی فڕۆکه‌که‌ له‌ که‌نداو، شه‌ممه‌ 3 ی حه‌وتی 2010

ژماره‌یه‌ک له‌ که‌سوکاری قوربانیانی فڕۆکه‌که‌ به‌ گوڵه‌وه‌ چوونه‌ته‌ شـوێنی که‌وتنی فڕۆکه‌که‌ له‌ که‌نداو، شه‌ممه‌ 3 ی حه‌وتی 2010

ئه‌مڕۆ شه‌ممه‌ ئێرانیه‌کان مه‌ڕاسیمێکیان سازداوه‌ بۆ یادکردنه‌وه‌ی خستنه‌ خواره‌وه‌ی فڕۆکه‌یه‌کی نه‌فه‌ر هه‌ڵگری ئێرانی له‌لایه‌ن ئه‌مریکاوه و مه‌ڕاسیمه‌که‌ له‌ شوێنی که‌وتنه‌خواره‌وه‌ی فڕۆکه‌که‌دا کراوه‌.

ئه‌ندامانی خێزانی ئه‌و 290 که‌سه‌ی له‌ ڕوداوه‌که‌دا مردن له‌ نێو ئاماده‌بووانی مه‌ڕاسیمه‌که‌دا بوون له‌ ناو ئاوی که‌نداوی فارسدا و گوڵیان داده‌نا له‌ یادکردنه‌وه‌ی قوربانیانی گه‌شتی ئاسمانی 655 .

ئاژانسی ده‌نگ و باسی قوتابیانی ئێران ده‌ڵێت مه‌حمودی ئه‌حمه‌دی نه‌ژاد سه‌رۆکی ئێران ووتارێکی پێشکه‌ش کردوه‌ و تیایدا ڕوداوه‌که‌ی به‌ کاره‌ساتێکی مرۆیی ناودێرکردوه‌.

له ڕۆژی 3 ی حه‌وتی ‌ساڵی 1988 دا یو ئێس ئێس ڤینسن ته‌قه‌ی له‌و فڕۆکه‌یه‌ کردوه‌ ‌، هه‌ر به‌ ماوه‌یه‌کی که‌م پاش هه‌ستانی فڕۆکه‌که‌ له‌ شاری به‌نده‌ر عه‌باسه‌وه‌ بۆ دوبه‌ی له‌ میرنشینه‌ یه‌کگرتوه‌کانی عه‌ره‌ب.

وڵاته‌ یه‌کگرتوه‌کانی ئه‌مریکا ده‌ڵێت ڕوداوه‌که‌ به‌ هه‌ڵه‌ بووه‌ و وازانراوه‌ که‌ فڕۆکه‌یه‌کی جه‌نگی بووه‌.

ئه‌مریکا زیاتر له‌ سه‌د ملیۆن دۆلاری داوه‌ به‌ ئێران وه‌ک قه‌ره‌بووکردنه‌وه‌ی ڕوداوه‌که‌، به‌پێی ئه‌و چاره‌سه‌ریه‌ی کێشه‌که‌ له‌ ساڵی 1996 دا کرا.

XS
SM
MD
LG