Accessibility links

ئیمارات داوا له‌ ئێران ده‌کات کێشه‌ی سێ دورگه‌که‌ چاره‌سه‌ر بکرێت

  • VOA News

وه‌زیری ده‌ره‌وه‌ی ئیمارات شێخ عه‌بدوڵڵا بن زاید ئال نهه‌یان له‌ میانه‌ی پـێشـکه‌شکردنی وتاره‌که‌ی له‌ کۆبوونه‌وه‌ی کۆمه‌ڵه‌ی گشـتی نه‌ته‌وه‌ یه‌کگرتووه‌کان له‌ نیویۆرک، دووشه‌ممه‌ 26 ی نۆی 2011

وه‌زیری ده‌ره‌وه‌ی ئیمارات شێخ عه‌بدوڵڵا بن زاید ئال نهه‌یان له‌ میانه‌ی پـێشـکه‌شکردنی وتاره‌که‌ی له‌ کۆبوونه‌وه‌ی کۆمه‌ڵه‌ی گشـتی نه‌ته‌وه‌ یه‌کگرتووه‌کان له‌ نیویۆرک، دووشه‌ممه‌ 26 ی نۆی 2011

ده‌وڵه‌تی ئیماراتی عه‌ره‌بی داوای له‌ ئێران کرد ئه‌و کێشه‌یه‌ی له‌ نێوانیاندا هه‌یه‌ له‌سه‌ر سێ دورگه‌که‌ به‌ دانوسـتاندنی ڕاسته‌وخۆ چاره‌سه‌ربکه‌ن یان ڕه‌وانه‌ی به‌رده‌م دادگای نێونه‌ته‌وه‌یی سه‌ر به‌ نه‌ته‌وه‌ یه‌کگرتووه‌کانی بکه‌ن.

وه‌زیری ده‌ره‌وه‌ی ئیمارات شێخ عه‌بدوڵڵا بن زاید ئال نهه‌یان ڕۆژی دووشه‌ممه‌ به‌ کۆمه‌ڵه‌ی گشـتی نه‌ته‌وه‌ یه‌کگرتووه‌کانی گوت ئێران ئه‌و سێ دورگه‌یه‌ی داگیرکردووه‌ که‌ به‌شێـکه‌ له‌ خاکی ئیمارات. گوتیشی هه‌ڵوێسته‌کانی ئێران له‌ به‌رامبه‌ر دورگه‌ی ئه‌بو موسا و ته‌نه‌بی کوبرا و ته‌نه‌بی زوغرا پـێشـێـلیـیه‌کی یاسای نێونه‌ته‌وه‌یـیه‌.

نوێنه‌ری ئێران به‌ کۆبوونه‌وه‌که‌ی نه‌ته‌وه‌ یه‌کگرتووه‌کانی گوت که‌وا ئه‌و سێ دورگه‌یه‌ له‌ ژێر سه‌روه‌ری ئێراندایه‌ و وڵاته‌که‌ی ئاماده‌بووه‌ له‌ وتووێژه‌کردن له‌گه‌ڵ ئیماراتدا به‌رده‌وامبێت بۆ کۆتایی‌هێنان به‌و‌ هه‌ڵه‌تێـگه‌یشتنه‌.

XS
SM
MD
LG