Accessibility links

ڕێـکخراوێـکی مافه‌کانی مرۆڤ نیگه‌رانه‌ له‌وه‌ی به‌م زووانه‌ فه‌رمانی مردن به‌سه‌ر ژنێـکی ئێرانیدا ده‌سه‌پـێنرێت

  • VOA News

سه‌کینه‌ محه‌مه‌د ئاشـتیانی

سه‌کینه‌ محه‌مه‌د ئاشـتیانی

ڕێـکخراوێـکی به‌ناوبانگی مافه‌کانی مرۆڤ نیگه‌رانیـیه‌کی زۆری ده‌ربڕیوه‌ به‌رامبه‌ر به‌وه‌ی ئێران به‌م زووانه‌ فه‌رمانی مردن به‌سه‌ر ئه‌و ژنه‌دا ده‌سه‌پێنێت که‌ سـزای ڕه‌جمکردنی له‌سه‌ر بووه‌ که‌ وه‌ک ده‌گوترێت له‌ دیمانه‌یه‌کی ته‌له‌فیزیۆنیدا له‌ هه‌فته‌ی ڕابردوودا دانی به‌ تاوانه‌که‌یادا ناوه‌.

ڕێـکخراوی چاودێری مافه‌کانی مرۆڤ بنکه‌ له‌ نیویۆرک دوێنێ هه‌ینی ڕه‌خنه‌ و ناڕه‌زایی ڕاگه‌یاند به‌رامبه‌ر به‌ په‌خشکردنی دان پـیادانانه‌که‌ی، وه‌ک ده‌ڵێت سه‌کینه‌ محه‌مه‌دی ئاشـتیانی بووه‌.

ڕۆژی چوارشه‌ممه‌ له‌ دیمانه‌یه‌کی ته‌له‌فیزیۆنیدا ئه‌و ئافره‌ته‌ گوتوویه‌تی ده‌ستی هه‌بووه‌ له‌ کوشـتنی مێرده‌که‌یدا و هه‌روه‌ها دانیشی ناوه‌ به‌ زیناکردنه‌که‌یدا، ئه‌مانه‌ش ئه‌و گوناهانه‌بوون که‌ پـێشتر سه‌کینه‌ محه‌مه‌دی نکوڵی لێکردبوو.

نادیه‌ خه‌لیفه‌ له‌ ڕێـکخراوی چاودێری مافه‌کانی مرۆڤ ڕه‌خنه‌ی له‌ ئێران گرتووه‌ بۆ ڕاگه‌یاندنی ئه‌و سزا به‌ربه‌ریـیه‌ی ڕه‌جمکردن.

بابه‌تی په‌یوه‌ندیدار

XS
SM
MD
LG