Accessibility links

ئه‌مه‌ریکا ده‌ڵێت زیندانیکردنی ڕێبه‌رانی ئۆپـۆزسیۆنی ئێرانی جێـگای قبوڵ نیـیه‌

  • VOA News

ئه‌مه‌ریکا ده‌ڵێت زیندانیکردنی ڕێبه‌رانی ئۆپـۆزسیۆنی ئێرانی جێـگای قبوڵ نیـیه‌

ئه‌مه‌ریکا ده‌ڵێت زیندانیکردنی ڕێبه‌رانی ئۆپـۆزسیۆنی ئێرانی جێـگای قبوڵ نیـیه‌

وڵا‌ته‌ یه‌کگرتووکانی ئه‌مه‌ریکا ڕه‌خنه‌ی له‌ زیندانیکردنی دوو ڕێبه‌رانی ئۆ‌پۆ‌زسیۆن ده‌گرێت و داوای ئازادکردنیانی کردووه‌.

وته‌بێژی کۆشکی سپی جه‌ی کارنی ئه‌م تێبینیانه‌ی له‌ ڕۆژی دووشه‌ممه‌ ڕاگه‌یاند دوای ئه‌وه‌ی ماڵپه‌رێکی ئۆپۆزسیۆن بڵاوی کردبووه‌وه‌ که‌ ده‌سه‌ڵاتدارانی ئێرانی هه‌ردوو میر حسین موسه‌وی و مه‌هدی که‌ڕووبی و هاوسه‌ره‌کانیان به‌ره‌و به‌ندیخانه‌یه‌کی تاران گواستوونه‌ته‌وه‌.

حکومه‌تی ئێران هه‌ردوو ریفۆرمخوازه‌که‌ی ده‌ستبه‌سه‌ر کردبوو له‌ ماڵه‌کانیاندا دوای ئه‌وه‌ی داوای سازکردنی خۆپیشاندانه‌کانی ئۆپۆزسیۆنیان کردبوو له‌ 14 ی مانگی دوودا وه‌ك هاوسۆزیه‌ك بۆ ڕاپه‌ڕینه‌کانی دژه‌ حکومه‌ت له‌ جیهانی عه‌ره‌بیدا.

حکومه‌تی ئێرانی خۆپیشاندانه‌که‌ی قه‌ده‌غه‌کرد و فه‌رمانی دابوو به‌ هێزه‌کانی ئاسایش بۆ بڵاوه‌ پێکردنیان که‌ ئه‌وه‌ش توند و تیژی و کوشتنی دوو که‌سی لێکه‌وته‌وه‌.

XS
SM
MD
LG