دوو ڕێبهرانی ناوداری ئۆپۆزسێۆن له ئێران ڕهخنهیان له حکۆمهتی ئیسلامی ئێستاکهی ئێران گرتووه لهو دهمهی وڵاتهکه خۆی بۆ یادکردنهوهی 23 ههمین ساڵیادی شورشی ئیسلامی ئاماده دهکات .
له بهیاننامهیهکدا که لهسهر ماڵپهرهکهیان بڵاوکرایهوه ، کاندیدهکانی پێشووی سهرۆکایهتی میر حسین موسهوی و مههدی کهڕووبی گوتیان حکومهت ههڵوێستی سانسۆرکردن و سهرکوتکهرانهی گرتۆته بهر بهههمان شێوهی که بهر له شۆڕشی ساڵی 1979 له ئارادابوو.
ههروهها گوتیان زۆڵم و زۆرداری که لهلایهن سهرۆك مهحمودی ئهحمهدی نهژادهوه ڕێبهرایهتی دهکرێت له دژ بنهماکانی دهوڵهتی ئیسلامییه.
جێ باسه موسهوی و کهڕووبی که له ههڵبژاردنهکانی ساڵی 2009 دا شکستیان هێنا له بهرامبهر ئهحمهدی نهژاد گوتوبوویان کهوا ههڵبژاردنهکان فرت و فێڵی تێدا کرابوو.
له ساڵی پاردا هێزهکانی ئاسایشی ئێران هێرشیان کرده سهر خۆپیشاندهرانی دژ حکومهت له تاران له میانهی خۆپیشاندانهکان بهبۆنهی 31 ههمین ساڵیادی دامهزراندنی وڵاتهکه.